இப்பக்கம் மெய்ப்பு பார்க்கப்பட்டுள்ளது
அன்னாய் வாழ்க! அன்னாய் வாழ்க!
அன்னைக் கொளிதரும் அன்பே! வாழ்க!
தென்னாட் டவரின் திருவே! வாழ்க!
செந்தமிழ் மொழியே! உயிரே! வாழ்க!
1
உலகுக் கொளிதரு விளக்கே! வாழ்க!
உயிருக் கினிமை ஒலியே! வாழ்க!
பலகலை நுணுக்கப் பைந்தமிழ்! வாழ்க!
பல்சுவை அமுதே! தேனே! வாழ்க!
2
அன்பை அறத்தை அகத்தை வகுத்தாய்!
அழியாக் கன்னித் தமிழே! வாழி! -
இன்பப் புறமும் இயலிசை கூத்தும்
ஈன்றாய்; எம்மை ஈன்றாய்! வாழி!
3
மொழியே! தமிழர் விழியே! வாழி!
முக்கனி வாழி! சர்க்கரை வாழி!
வழியும் தேனடைப் பிழிவே! வாழி!
மணமலர்ச் சோலைக் குளிரே! வாழி!
4
குழந்தை இலக்கியம் ♦ 153
