பக்கம்:குழந்தை இலக்கியம்.pdf/30

விக்கிமூலம் இலிருந்து
இப்பக்கம் சரிபார்க்கப்பட்டது.
6

ந்தி வந்ததே அந்தி!
செந்தி மேல்வான் சிந்திச் சிந்தி- அந்தி

வெந்து தணிந்த சிற்றுர் போலும்
மேற்கு வான் விரிவு தோணும்!- அந்தி

செம்மண் மேட்டு நிலத்தைப் போலத்
தெரியும் வானில் செறிந்த மேகம்!
வெம்மை மாறிக் குளிர்ந்த காற்று
வீச மணமும் வந்து வீசும்!- அந்தி

வானில் ஓடிய செம்மைக் கோடு
வாள ரிந்த இரத்தக் காடு
கானும் மலையும் செந்தி மேடு!
கண்ட பிறையும் யானைக் கோடு!- அந்தி

குயில்கள் கூவும் குளிர்ந்த காவில்!
குடித்து வண்டு பாடும் பூவில்!
அயலில் உள்ள துளிர்த்த மாவில்
அடங்கப் புட்கள் அடங்கும் செவ்வான்! அந்தி


குழந்தை இலக்கியம் ♦ 13