கூடி விளையாடும் குழு விளையாட்டுக்கள்
109
இரண்டாமவர் ஓடிப் போய், குவித்துள்ள பழங்களில் ஒன்றை கரண்டியால் எடுத்து, முதல் கட்டத்தில் வந்து வைக்க வேண்டும். இவ்வாறு பழங்களை எல்லாக் கட்டங்களிலும், ஒவ்வொன்றாக ஒவ்வொரு முறையும் எடுத்து வந்து பரப்பி விட்டு, ஓடிவந்து மூன்றாவதாக உள்ளவரிடம் கரண்டியைத் தந்துவிடவேண்டும்.
இவ்வாறு ஒருவர் பழங்களைக் குவிக்கவும், பின் வருபவர் கட்டங்களில் பரப்புவதுமாக ஆடி ஓடி, முதலில் முடிக்கின்ற குழுவே வெற்றி பெற்றதாகும்.
குறிப்பு: எக்காரணத்தை முன்னிட்டு, பழங்களைக் கைகளால் தொடக்கூடாது. பழத்தை எடுக்கும்போதும் தவறியபோதும் கரண்டிதான் எடுத்தாடப் பயன்பட வேண்டும்.
83. நீளத் தாண்டும் போட்டி
|
நான்கு சம எண்ணிக்கையுள்ளதாக பிரிந்த குழுக்கள் ஓடத் தொடங்கும் கோட்டின் முன்னே நிறுத்தப்பட்டிருக்க வேண்டும்.
இப்பொழுது, தாண்டும் போட்டியைத் தொடங்க வேண்டும்.
ஒரு குழுவின் முதலாள், முன்னுள்ள கோட்டின் பின்னால் நின்று, நின்ற வண்ணமே துள்ளி, முன்புறமாகத் தாண்டி, இரு கால்களையும் ஊன்றி நிற்க வேண்டும். கால்களை ஊன்றிய இடத்திலிருந்து இரண்டாமவர் முன்னர் போல் துள்ளித் தாண்டி குதித்து நிற்கவேண்டும்.