பக்கம்:கூடி விளையாடும் குழு விளையாட்டுக்கள்.pdf/54

விக்கிமூலம் இலிருந்து
இப்பக்கம் மெய்ப்பு பார்க்கப்பட்டுள்ளது

52

டாக்டர். எஸ். நவராஜ் செல்லையா


ஆடும் முறை:

விளையாட்டைத் தொடங்கலாம் என்றவுடன் விரட்டுபவர், அடுத்து நிற்கின்ற விரட்டப்படுபவரை நோக்கி ஓடித் துரத்திப் பிடிக்க வேண்டும்.

ஒட சக்தியுள்ளவரைக்கும் ஓடிவிட்டுத் தன்னால் ஒட முடியாத பொழுது, பக்கத்தில் எந்த வட்டம் இருக்கின்றதோ, அந்த வட்டத்தில் ஒரு காலை வைத்தால் போதும் - அதுதான் அவருக்குப் புகலிடம்.

அந்த வட்டத்தில் நிற்பவர், வந்தவரைத் தன் இடத்திலே நிற்கச் செய்துவிட்டு, தான் தொடப்படாமல் இருக்கவும் தப்பித்துக் கொள்ளவும், முன்னவர் போலவே ஆடுகளம் முழுவதும் ஓடத் தொடங்கி விடுவார்.

குறிப்பு:

இவ்வாறு ஓடுவோர் மாறி மாறி வரவேண்டும். இதற் கிடையிலே யார் தொடப்பட்டாலும், அவரே விரட்டுபவராக மாறுவார்.

32. நாம் இருவர்

அமைப்பு:

ஆடுகள எல்லையாக, ஆடுகளம் முழுவதையும் பயன்படுத்திக் கொள்ள வேண்டும்.

இதில், ஆட வருபவர்கள் அனைவரையும், இருவர் இருவராகப் பிரித்திருக்க வேண்டும். அவர்கள் தங்களுக்குள் கைகளைக் கோர்த்துக் கொண்டு, எந்த நேரத்திலும் இணைபிரியாமல் விளையாட வேண்டும்.