இப்பக்கம் மெய்ப்பு பார்க்கப்பட்டுள்ளது
கூடி விளையாடும் குழு விளையாட்டுக்கள்
53
ஆடும் முறை:
எல்லா இரட்டையர்களும் ஆடுகளத்தில் ஆங்காங்கே பரவி நின்று கொண்டிருக்க, ஒரு இரட்டையர் மட்டும், ஒரு மூலையில் நின்று கொண்டிருந்து. மற்றவர்களை ஓடி விரட்டித் தொட்டுப் பிடிக்க முயற்சிக்க வேண்டும்.
எந்த இரட்டையர் அவர்களிடம் சிக்குகின்றாரோ, அவரே விரட்டுபவராக மாற, ஆட்டம் மீண்டும் தொடரும்.
33. குதிரை ஆட்டம்
|
அமைப்பு:
ஆடுகள எல்லையும் அமைப்பும் முன் ஆட்டம் போலவேதான். ஆட வருபவர்கள் அனைவரையும் இருவர் இருவராகப் பிரித்து, ஒருவரைக் குதிரையாகவும், மற்றொருவரைக் குதிரை வீரராகவும் மாற்றி விளையாட ஏற்பாடு செய்து விடவேண்டும்.
ஒருவர் இன்னொருவரைத் தன் முதுகில் ஏற்றி வைத்துக் கொள்ளவும். அடுத்தவர் அவர் முதுகில் எறி கால்களை அவர் வயிற்றுப் பக்கமாகப் பின்னி பிணைத்துக் கொண்டு, ஆட்டத்திற்குத் தயாரான நிலையில் இருக்க வேண்டும்.
