கூடி விளையாடும் குழு விளையாட்டுக்கள்
63
ஆடும் முறை:
ஆட்டம் தொடங்கியவுடனே, ஒவ்வொருவரும் இன்னொருவரின் மேல் மோதி, அவரது நிலையை இழக்கச் செய்து இரண்டு காலாலும் நிற்கும்படி செய்து விடவேண்டும்.
இடிபட்டுக் கீழே விழுந்து விட்டாலும், மடித்துள்ள ஒரு காலை நீட்டவோ, பிடித்திருக்கும் கைகளை நீக்கவோ கூடாது.
ஒரு காலாலேயே கடைசி வரை நின்று ஆடுகின்றவரே வெற்றி பெறுகிறார், இரண்டு கால்களையும் தரையில் ஊன்றிவிடுகின்றவர் ஆட்டத்தை விட்டு வெளியேற்றப்படுகின்றார்.
41. காவால்கரன்
|
அமைப்பு:
பத்தடி விட்டமுள்ள ஒரு வட்டத்தைப் போட்டு, அதன் மத்தியில் ஒரு சிறு பந்து அல்லது கைக்குட்டையை வைத்து, அந்த வட்டத்திற்குள் ஒருவரை நிற்கச் செய்து காவல் காக்கச் செய்ய வேண்டும்.
ஆடும்முறை:
வட்டத்திற்கு வெளியே நிற்கின்ற மற்ற ஆட்டக்காரர்கள், உள்ளே நுழைந்து அந்தப் பொருளை எடுத்துச் செல்ல முயற்சி செய்வதும், அவ்வாறு எடுத்துச் செல்லாமல், வட்டத்தைச் சுற்றிச் சுற்றி வந்து காவல் செய்வதும்தான் ஆட்டத்தின் நோக்கமும் ஆடும் முறையுமாகும்.