32
கபினி ஆற்றைச் சூழ்ந்து புன்னாடு இருந்தது. கபினி ஆறு
கப்பினி என்றும் கூறப்பட்டது. மேற்குத் தொடர்ச்சி மலையில்
உண்டாகிக் கிழக்குப் பக்கமாகப் பாய்ந்து (மைசூரில்
நரசபூருக்கு அருகில்) காவிரியுடன் சேர்கிறது. பிற்காலத்தில்
இது புன்னாடு ஆறாயிரம் என்று பெயர் பெற்றிருந்தது. சங்க
காலத்தில் புன்னாட்டைச் சிற்றரசர் ஆண்டு வந்தனர்.
புன்னாட்டின் தலைநகரமான கட்டூர் கபினி ஆற்றங்கரையின்
மேல் அமைந்திருந்தது. பிற்காலத்தில் கட்டூர், கிட்டூர் என்று வழங்கப்பட்டது. அது, இன்னும் பிற்காலத்தில் கித்திபுரம் என்றும் பிறகு கீர்த்திபுரம் என்றும் வழங்கப்பட்டது.
புன்னாட்டில் அந்தக் காலத்திலே ஒருவகையான நீலக்கல் கிடைத்தது. அந்தக் கற்கள் புன்னாட்டுச் சுரங்கத்திலிருந்து அகழ்ந்தெடுக்கப்பட்டன. நவரத்தினங்களில் ஒன்றான இந்தக்
கல் அந்தக் காலத்தில் உலகத்திலேயே புன்னாட்டில் மட்டுந்
தான் கிடைத்தது. அக்காலத்தில் பேர் பெற்றிருந்த உரோமா
புரி சாம்ராச்சியத்து மக்கள் இந்தக் கற்களை அதிகமாக விரும்பினார்கள். ஆகவே தமிழ்நாட்டுக்கு வந்த யவன
வாணிகர் இந்த நீலக் கற்களையும் பாண்டிநாட்டு முத்துக்
களையும் சேர நாட்டு மிளகையும் வாங்கிக் கொண்டு
போனார்கள். புன்னாட்டு நீலக் கற்களைப் பற்றிச் சங்க இலக்கியங்களில் ஒரு குறிப்பும் காணப்படவில்லை. ஆனால், மேல்நாட்டவரான தாலமி (Ptolemy) 'என்னும் யவனர் எழுதி
யுள்ள பூகோள நூலில் இதைப்பற்றிக் கூறியுள்ளார்.
ஸிடொஸ்தொமஸ் (Psedostomse) என்னும் இடத்துக்கும்
பரிஸ் (Beris) என்னும் இடத்துக்கும் இடையே நீலக்கல்
(Beryl) கிடைக்கிற பொவுன்னட (Pounnata) என்னும் ஊர்
இருக்கிறது என்று அவர் எழுதியுள்ளார். பொவுன்னட
என்பது புன்னாடு என்பதன் கிரேக்க மொழித் திரிபு என்று
அறிஞர்கள் கண்டுள்ளனர். (pp. 10, 146. Mysore and
Coorg from inscription By Z. Rice: Indian Culture III.
pp. 303-317 Roman Trade with Deccan, by Dr. B. A.
