58
கோகோ ஆட்டம்
தொடப்பட்ட ஓட்டக்காரரை வெளியேற்றிவிட வேண்டும். தவறு செய்தால் அதற்கு என்ன தண்டனையோ, அதைத் தந்துவிட வேண்டும் என்பது தான் அவர்கள் வாதம்.
அது முறையல்ல. ஒரு ஓட்டக்காரரைத் தொட்டு விட்ட பிறகு அதைத் தொடர்ந்து தவறிழைத்தால், தொடர்ந்து சரி என்று அது ஏற்றுக் கொள்ளப்பட மாட்டாது என்பதாகவே விதி தெளிவாகக் கூறுவதால், இந்த விதியை மிகத் தெளிவாக உணர்ந்து கொண்டு செயல்பட வேண்டும்.
5. மாற்றாட்டக்காரர்கள் (Substitutes)
ஒவ்வொரு விளையாட்டிலும், ஆடுகின்ற ஆட்டக்காரர்களில் நிரந்தர ஆட்டக்காரர்கள் (Regular players) எத்தனை பேர், மாற்றாட்டக்காரர்கள் எத்தனை பேர் என்பது தெளிவாகக் கூறப்பட்டிருக்கிறது.
கோகோ ஆட்டத்தில், நிரந்தர ஆட்டக்காரர்கள் 12 பேர் என்று கூறப்பட்டிருக்கிறது.
கோகோ விதிகளுக்கிடையிலே, மேகத்திற்கிடையில் மின்னல் போல, ஒரு குறிப்பு கூறப்பட்டிருக்கிறது.
விரட்டும் குழுவைச் சார்ந்த வீரர்கள் எத்தனை முறை வேண்டுமானாலும், மாற்றாட்டக்காரராக விளையாட அனுமதிக்கப்படுவர்.
யாராவது ஒரு ஆட்டக்காரர் காயமடைந்தால், நடுவரின் அனுமதிக்குப் பிறகு மாற்றாட்டக்காரர் ஒருவர் உள்ளே சென்று ஆட அனுமதி உண்டு என்பதுதான் அந்த விதி.