66
கோகோ ஆட்டம்
விரட்டுபவர்களும், ஓடுபவர்களும் மிகமிகத் தயார் நிலையில் இருந்து ஆட வேண்டிய ஆட்டமாகக் கோகோ ஆட்டம் அமைந்திருப்பதால் இதில் முடிவெடுக்கும் சக்தி வாய்ந்த ஆட்டக்காரரே அற்புதமான ஆட்டக்காரராகத் திகழ முடியும்.
3. வேகமும் யூகமும் (Speed and Anticipation) மனம் நினைப்பதற்கேற்ப உடலானது வளைந்தும் நெளிந்தும் இயங்கிக் கொடுத்தால்தான், ஆட்டம் சிறப்பாக அமையும்.
குறுகிய எல்லைக்குள்ளே மிக விரைவாக ஓடினால்தான் தப்பிக்கவும் முடியும். ஓட்டத்தில் வேகம் மட்டும் இருந்தால் போதாது, யூகமும் வேண்டும். வெறுமனே ஓடிக் கொண்டிருந்தால் அதை 'காட்டோட்டம்' என்ற கேலியாகவும் கூறி நகைப்பார்கள் பார்வையாளர்கள்.
ஓடிக் கொண்டிருக்கும் பொழுதே, தாவிக் குதித்து தப்பித்தல் (Diving); சறுக்கி ஓடுதல் (Skating); குறுக் கோட்டம் ஓடுதல் இவற்றிற்கெல்லாம், வேகத்திற்கேற்ப மதியூகம் வேண்டும்.
ஒரு சில சமயங்களில், விரட்டிக் கொண்டு ஓடி வருபவர் விரைவாக ஓடி வரும்போதே திடீரென்று நின்று உட்கார்ந்திருக்கும் ஆட்டக்காரருக்குக் 'கோ' கொடுத்து விடுதல் என்பதும், உட்கார்ந்திருப்பவர் உடனே அதே வேகத்துடன் ஓடுவது என்பதும், எவ்வளவு சிரமமான திறன் என்பது படிக்கும் பொழுதே புரியும் என்று நம்பகிறோம்.
