6
சின்னஞ் சிறு பெண்
“அதாவது, மேற்கேயிருந்து-”
“முதலில் நாங்கள் அவளை அடுப்பு அமைப்புக்கு மேலே உட்கார வைத்தோம்.”
“எங்கள் அடுப்பு மிகவும் பெரியது. கதகதப்பானதும் கூட” என்று கிழவி பெருமூச்சு விட்டாள்.
“அப்புறம் அவளுக்குச் சாப்பாடு கொடுத்தோம்.”
“அவள் என்னமாய்ச் சிரித்தாள்”
“அவளுக்கு மினுமினுக்கும் கரு நிறக் கண்கள் இருந்தன. சுண்டெலிக்கு உள்ளது மாதிரி.”
“அவளே ஒரு சுண்டெலி மாதிரித்தான் இருந்தாள். உருண்டையாய், மிருதுவாய்!”
“அவள் கொஞ்சம் தெம்பு பெற்றதும் கூச்சலிட ஆரம்பித்தாள். உங்களுக்கு நன்றி, அன்பர்களே” என்று அவள் சொன்னாள்.
“அதன் பிறகு அவள் அந்த வீட்டை எப்படித் தலை கிழாக்கி விட்டாள் தெரியுமா!”
“அங்கிருந்த சாமான்களே எல்லாம் அவள் எப்படிக் கொட்டிக் கவிழ்த்தாள்' என்று சொன்ன கிழவன் தன் கண்களைச் சுருக்கிக் கொண்டு, களி துலங்க நகைத்தான்.
“பந்து மாதிரித் துள்ளிக்கொண்டு எங்கள் குடிசையில் அங்குமிங்குமாகத் திரிந்தாள்-இங்கே, அங்கே, எல்லா இடத்திற்கும் தான். இதைச் சரியாக வைத்தாள். அதை ஒழுங்காக அடுக்கினாள். 'கூழ் எல்லாம் வெளியே பன்றிக்குப் போய்ச் சேர வேண்டியது என்கிறாள். கூழ் தொட்டியை அவளே எடுக்கிறாள். அவ்வளவுதான். வழுக்கி
