ஈதல் மேல் இருத்துதல்தான்; இரத்தல் இல்லை!
இசைதல் கல் எழுதுதல்போல் அழிதல் ஏது? காதல்வேர்க் கண்டுமுதல் கருத்த ரித்தல்;
கலைத்தல், கண் கலங்குதல், கற் பிழத்தல், காய்தல்! சாதல்தான் சாதித்தல் சகித்தல் இன்றேல்;
சந்தித்தல் சறுக்குதல்கள் கற்பின் சாய்தல்! கூதல்தான் குளிர்தல், கூம் பிடும்பெண் கூந்தல் கூசுதல்ஏன்? கனைக்காமல் குளித்தல் கூடும்!
உடைத்தல், கல் உருட்டுதல்பின் உருக்கு இலத்தல்,
உலவுதல்செய் சாலைவைத்தல்; உவத்தல் கொள்வோம். படைத்தல்தான் உதவுதல்; ஆம் அழித்தல் வேண்டாம்.
படித்தல்பா டுதல்பதித்தல், கல்வி காத்தல். கிடைத்தல்கீ றுதல், கிழித்தல், கிளர்தல், கேலி
கிளப்புதல், கா ணுதல்கவர்தல், கத்தல் போலி! துடைத்தல், துப் புதல் துறத்தல், துவைத்தல், துய்மை தொழுதல்; நாம் தோன்றுதல்கற் பயனளித்தல்
ஊற்றுதல் நீர் ஊட்டுதல், வேர் விரைதல் மேவும்: ஒம்புதல்தான் ஓங்குதல்சார் உண்மை ஒர்தல். ஆற்றுதல், நாம் ஆதரித்தல்; கடன் அண்ணுத்தல்,
அதிசயித்தல்; அருகுதல்தான் அன்பை ஆய்தல்! ஏற்றுதல், வாய் ஏசுதல்; கெஞ் சொளித்தல் தீங்கே! ஏவுதல், கை ஏந்துதல்போல் இழிதல் செய்தல்; மாற்றுதல்தான் எனேமதித்தல் மகிழ்தல், பூண்போம்;
மலர்தல்வேண் டுதல்; பார்த்தல், வருதல், வாழ்த்தல்!