இப்பக்கம் மெய்ப்பு பார்க்கப்பட்டுள்ளது
93
சுரதா கவிதைகள்
சிக்கனம்
வாசல் முதல்சமை யலின்அறை வரை
மக்களுக்கு வேண்டும் சிக்கனம் – நம்
ஆசை அலங்காரம் அனைத்தும் குறைத்திடல்
அவசியம் மிக்க அவசியம்.
–(23–10–65–ல் ‘போர்ப்பரணி’
வானொலி நிகழ்ச்சியில் பாடியது)
சிரமங்கள் பெரும்பாலும் குறைய வேண்டின்
சிக்கனத்தைக் கடைப்பிடிக்க வேண்டும். யாரும்
பரபரப்பாய் மினுமினுப்பாய் வாழ்வ தாலே
பயனில்லை! நாட்டுக்கும் நன்மை இல்லை.
–நூல் : துறைமுகம்
பேரோடும் புகழோடும் வாழ்வ தற்குப்
பேரறிவே துணைபுரியும்; நாமெல் லோரும்
சீராக எப்போதும் வாழ்வ தற்குச்
சிக்கனந்தான் துணைபுரியும்!....
–நூல் : துறைமுகம்
தராள மனப்பான்மை என்று சொல்லித்
தண்ணீரைப் போற்பணத்தைச் செலவு செய்தல்
