மண்டு எரி
மந்திர சாந்நித்தியம்
மண்டு எரி- மருத்துவன் இரும்பு நாராசம் காய்ச்சிச் சுடவும், சத்திர மாட்டு அறுக்கவும் கண் படலத்தை உரிக்கவும் இவ்வாறு பல செயல்கள் செய்து நோய் தீர்ப்பவன். இதற்காகத் தாய் தந்தையர் அவனுக்கு நல் நிதியம் அளித்து மகிழ்வர்.
மண்டும் - மண்டிக் கிடக்கும்.
மண் முதல் நாளம் - நிலம் முதலிய 24 தத்துவங்களும் உந்தியினின்று தோன்றுபவை. விரல் அளவுள்ள தண்டு அல்லது கொடி வடிவமாகும்.
மண்ணகம் - புவி.ஒ.விண்ணகம், வானகம்.
மணி - கோமேதகம், நீலம், பவளம், புட்பராகம், மரகதம், மாணிக்கம், முத்து, வைடூரியம், வைரம் என 9.
மணிமார்பன் - திருமால்.
மணிமேகலை - ஐம்பெருங் காப்பியங்களில் ஒன்று. ஆசிரியர் சீத்தலைச் சாத்தனார். இதில் சமயக் கணக்கர் திறங்கூறுவதில் சைவவாதியின் கொள்கை எடுத்துரைக்கப்படுகிறது.
மதம் -1) சமயம். மனித வாழ்வை நன்னெறிப்படுத்துவது. 2) தன்னைப் போல் ஒருவரும் இல்லை என மதித்தல் ஆணவ விளைவுகளுள் ஒன்று. 3) கொள்கை
மதமறுப்பு - மூன்று மெய் கண்ட நூல்களில் பல மதங்கள் கூறப்பட்டு, அவற்றின் கொள்கைகள் மறுக்கப்படுகின்றன. அகச் சமயம், அகப் புறச் சமயம், புறச் சமயம், புறப்புறச் சமயம் என நான்கு வகை அவை. சிவஞானபோதத்தில் 42 மதங்களும் சிவஞானசித்தியாரில் (பரபக்கம்) 14 மதங்களும் சங்கற்ப நிராகரணத்தில் 9 மதங்களும் போதிய சான்றுகளுடன் மறுக்கப்படுகின்றன.
மதமாச்சரியம் - மதக்காழ்ப்பு.
மதமாச்சரியன் - மதக் காழ்ப்புடையவன்.
மதலை - குழந்தை இங்கு முருகன் ஆகும். எ-டு மயில் ஏறி வரும் ஈசன் அருள் ஞான மதலை (சிபி 4).
மத்திமை - மத்திமை வாக்கு. உன்னல் எ-டு ஓசை முழங்கிடும் மத்திமைதான் (சி.பி.38).
மத்தியாமிகர் - பெளத்த சமயத்தினர்.
மத்தியாலவத்தை - செல்லும் நிலையை பொறுத்து மூன்று அவத்தைகளிலுள்ள ஒன்று. வேறுபெயர் மையநோக்கு அவத்தை.
மத்துவ மதம் - சைவம்.
மந்தம் - குறைவு. எ-டு மந்த புத்தி.
மந்தர வெற்பு - மேருமலை,
மந்ததரம் - மிகக் குறைவு. எ-டு மந்தரபுத்தி.
மந்திரம் - மறைமொழி நினைப்பவனைக் காப்பது. அத்துவா 6இல் ஒன்று. இது 11. தேவ மந்திரம், வேதமந்திரம் என இருவகை.
மந்திர உச்சரிப்பு - மானதம், மந்தம், உரை என மூவகை. மனத்தால் பாவித்தல் மானதம், சூக்கும வைகரி வாக்கால் தன் செவிக்கு மட்டும் கேட்கும்படி உச்சரித்தல் மந்தம், தூல வைகரி வாக்கில் தனக்கும் பிறருக்கும் கேட்கும்படி உச்சரித்தல் உரை.
மந்திர சாந்தித்தியம் - மந்திரத்தின் அண்மை.
