99
முப்பத்தி நான்காம் அத்தியாயம் கொட்டியது போர் முரசு
ஜவஹர் சிறை சென்ற இரண்டாம் நாள், மகாத்மா காந் தி பம்பாய் துறைமுகத்திலே வந்து இறங்கினார். நிலைமையை அறிந்தார். உடனே வைசிராயிக்குத் தந்தி கொடுத்தார். எதற்கு? நேரில் பேசுவதற்கு.
வில்லிங்க்டன் என்ன செய்தார் ? நிபந்தனை விதித்தார். "அவசரச் சட்டம் பற்றி ஏதும் பேசக் கூடாது. வேறு ஏதாவது பேசவேண்டுமானால் பேசுவோம். வருக !” என்றார்.
" பேசுவதற்கு வேறென்ன இருக்கிறது ? எதுவும் இல்லை !" என்று கூறிவிட்டார் காந்தி.
இனி என்ன ? மீண்டும் போர், போர், சத்தியாக்கிரக போர்முரசு கொட்டவேண்டியது தான். வேறு வழியே இல்லை.
எனவே பம்பாயில் கூடியது காங்கிரஸ் காரியச் கமிட்டி, சத்தியாக்கிரகம் பற்றி தீர்மானித்தது.
"போரைத் தொடர்ந்து நடத்துங்கள் ' என்று அறிவித்தது.
காங்கிரஸ் கமிட்டிகள் இத்தகைய போர் அறிவிப்பை எதிர்பார்க்கவில்லை. சமாதானப் பேச்சு நடைபெறும் என்றே எண்ணியிருந்தன.
ஆனால், வி ல் லி ங் க் டன் தான் வலுச்சண்டைக்கு அழைக்கிறாரே! பின் போர் தொடங்க தயக்கம் ஏன் ? எனவே காங்கிரஸ் கொட்டியது போர் முரசு. இரகசிய சுற்றறிக்கைகள் நாடு முழுவதும் பறந்தன. அகிம்சா வீரர்கள் போருக்குப் புறப்பட்டார்கள்.
