376 இந்தி எதிர்ப்பாளர்கள் சுட்டிக் காட்டி, இதனை ஏன் சட்ட மாக்கக் கூடாது எனக் கேட்டு வருகின்றனர். தமிழ் மக்களின் விருப்பத்திற்கு மாறாக அண்ணாமலைப் பல்கலை கழகத் துணைவேந்கராக சர் சி. பி. ராமசாமி அய்யர் நியமனம் பெற்றார் 14-11-62 அன்று. - - பெரியார், தமது 84-ஆவது பிறந்த நாள் விழா பெரியார் திடலில் கொண்டாடப்பட்டபோது, நடிக வேள் ராதா அளித்த 10,000 ரூபாய் நன்கொடையைப் பெற்றுக் கொண் டாரல்லவா? அப்போதே வாக்களித்தவாறு-ராதா பெயரில் அங்கே ஒரு மன்றம் - ஹால் - கட்டப்படும்; அரங்கு அமைக்கப்படும். அதற்கு ராதா மன்றம் என்றே பெயர் சூட்டப்படும் என்றெல்லாம் கூறியவாறு-18-11-62 அன்று. பெரியார் தலைமையில், திரைப்படஅதிபர் பி.ஏ. பெருமாள் மன்றத்திற்கு அடிக்கல் நாட்டினார். ராஜாஜி சீனப் போர் குறித்துத் தாறுமாறான கருத்துகள் கூறுவதைக் கண்டித்து, அவருக்குப் பரம்பரைப் புத்தி, காட்டிக் கொடுப்பது போகுமா?- என்று எழுதினார் பெரியார். பார்ப்பான் புத்தி பார்ப்பணியம்தான்; இன்றைய வடக் கெல்லை நெருக்கடிதான் எப்படி? என்ற தலைப்புகளிலும், சீனப்போர் குறித்து, நவம்பர் இறுதி வாரத்தில், ‘விடுதலை’ தலையங்கப் பகுதியில் எழுதி வந்த பெரியார், இருவாரங்களுக்குத் தமது சுற்றுப்பயணத்திற்கும் சிறிது ஓய்வளித்திருந்தார். - - - - -- - - கிருஷ்ணமேனன் விலகி, பம்பாயிலிருந்து ஒய். பி. சவான் பாதுகாப்பு அமைச்சராகப் பொறுப்பேற்றார். ராஜாஜி பம்பாயில் பேசும்போது, வருணாசிரம அமைப்பு முறைகளும் சாதிகளும் இருக்க வேண்டியதுதான்-என்று பேசினார். தமிழ்நாட்டு அமைச்சர் ஆர். வெங்கட்ராமனே, ஆச்சாரியார் தேசிய அரசு அமைய வேண்டும்" என்றும் சீனப் பிரச்சினையை அய். நா. சபைக்கு எடுத்துச் சென்று அமெரிக்க ஆதரவு பெற வேண்டும் என்றும் சொல்லி வருவது சரியல்ல என்றார். 22-11-62 வரை தமிழக முதல்வரின் போர்நிதி 1 கோடி ரூபாயாகத் திரண்டிருந்தது.
