பக்கம்:தமிழர் வரலாறு 2, பி. டி. சீனிவாச அய்யங்கார்.pdf/396

235

தமிழர் வரலாறு

“ஆமை தன் ஐந்து உறுப்புக்களையும், தன் ஒட்டுக் குள்ளே அடக்கிக் கொள்வது போல், தன் ஐம்புலன்களை, அவற்றின் ஆசைகளிலிருந்து அடக்கிக் கொள்பவன் எவனோ, அவனுக்குப் பேரின்பம் வந்து வாய்க்கும்” என்கிறது பகவத் கீதை:

‘யதா சம்ஹரதெ சாயம் கூர்மொங்காநீவ ஸர்வலஹ

இந்திரியா ஹீந்திரியார் தேப்ய தஸ்ய ப்ரஞா ப்ரதிஷ்டிதா.”

பகவத்கீதை : 2 : 58;

“தன் உடம்பை வளர்த்துக்கொள்ளுதல்பொருட்டு தான் மற்றொரு விலங்கின் உடம்பைத் தின்பவன், அருளை எவ்வாறு காப்பான்” எனக் கேட்கிறது குறள்.

“தன்ஊன் பெருக்கற்குத், தான் பிறிது ஊன் உண்பான்
எங்ஙனம் ஆளும் அருள்?” --குறள் : 251

“பிற உயிர்களின் ஊனைத் தென்புலத்தார்க்கும் தெய்வங்களுக்கும் பலிப்பொருளாகத் தருவது தவிர்த்துத் தன் உடல் ஊனை வளர்ப்பதற்கு விரும்புபவன் ஒழுக்க நலம் இல்லாதவனாவன்” என்கிறது மனு.

“ஸ்வமாம்ஸம் பரமாம்ஸேன வர்த்ஹயி துமிக்சதி

அனப்யர்ச்ய பித்றன் தெவாஸ்த தொன்யொ நாஸ்த்ய புண்யக்ற்த்

- மனு : 5 ; 52.

“ஒருவனிடமிருந்து காமம், வெகுளி, மயக்கம் என்ற இக்குற்றங்கள் மூன்றின் பெயருங்கூட அறியாதவாறு கெட்டொழியுமாயின், அவற்றால் அவனுக்கு வர இருக்கும் நோய்கள் இல்லாமல் போகும்’ என்கிறது குறள்.

“காமம் வெகுளி மயக்கம் இவை மூன்றின்
நாமக் கெடக்கெடும் நோய்” --குறள் : 360;