இப்பக்கம் மெய்ப்பு பார்க்கப்பட்டுள்ளது
தமிழ்ச் சொல் விளக்கம்
5
தமிழ்ச் சொல் விளக்கம்
1. ரகர றகர வேறுபாடு
சொல்லில், றகர மெய்யும் ரகர மெய்யும் எவ்வாறு வரும், எவ்வாறு வராது என்று அறிதற்குக் கீழ்வரும் குறிப்புக்கள் உதவியாகும்.
1. றகர மெய் தன் வருக்கத்தோடு (றகர வரியோடு) சேர்ந்து வரும்;
ரகரமெய் தன் வருக்கத்தோடு (ரகர வரியோடு) சேர்ந்து வாராது.
(உதாரணம்) குற்றம், விற்றான், நெற்றி, புற்று.
2. றகரம், னகரமெய்க்குப்பின் வரும்; ரகரம், னகரமெய்க்குப்பின் வாராது.
(உதாரணம்) குன்றம், தின்றான், பன்றி, கன்று, கொன்றை, சான்றோர்.
3. றகரமேனும் ரகரமேனும் தமிழ்ச்சொற்களில் முதலெழுத்தாக வருவதில்லை. ரகரத்தை முதலெழுத்தாக உடைய சில வடசொற்கள் தமிழில் வந்து வழங்குவது உண்டு.
(உதாரணம்) ரங்கன், ராமன், ரோமம்.
