96
தை ஈனாப் புல்லும் இல்லை; மாசி ஈனா மரமும் இல்லை,
தை உழவு ஐயாட்டுக் கிடை.
தை உழவோ, நெய் உழவோ?
தை எள்ளுத் தரையில்; மாசி எள் மடியில் பணம்; வைகாசி எள் வாயில்
தைக்கவும் வேண்டாம்; பிய்க்கவும் வேண்டாம். 13315
தைக் குறுவை தரையை விட்டு எழும்பாது.
தைக் குறுவை தவிட்டுக்கும் உதவாது.
தைக் குறுவையோ, பொய்க் குறுவையோ?
தைத்த வாய் இருக்கத் தாணிக் கதவாற் புறப்பட்டாற் போல.
தைத்த வாயிலும் இருக்கத் தாணித்த வாயிலும் இருக்க எங்காலே போனீர் உப்பனாரே! 13320
தைப் பணி தரையைத் துளைக்கும்; மாசிப் பனி மச்சைத் துளைக்கும்.
- (தரையைப் பிளக்கும்.)
தைப் பிள்ளையைத் தடவி எடு.
தைப் பிறை கண்டது போல.
தைப் பிறை தடவிப் பிடி; ஆடிப் பிறை தேடிப் பிடி.
தைப் பிறையைத் தடவிப் பார். 13325
தைப் பிறை வட கொம்பு உயர்ந்தால் வடவனுக்குச் சோறு உண்டு; தென் கொம்பு உயர்ந்தால் தெரு எங்கும் தீய வேண்டும்.
தைப்புக்குத் தைப்பு மரம் பிடித்தாற் போல.
தை பிறந்தது; தரை வறண்டது.
தை பிறந்தால் தரை ஈரம் காயும்.
தை பிறந்தால் தலைக் கோடை. 13330
தை பிறந்தால் தழல் பிறக்கும்.
தை பிறந்தால் வழி பிறக்கும்.