8
நன்றி
இந்நூல் உருவாவதற்கு வேண்டிய நிகண்டுகளும் அகராதிகளும் அளித்துதவிய அன்பர்கட்கும் நிறுவனங்கட்கும், உடனிருந்து அச்சுப் பிழை திருத்தியுதவிய நண்பர் பண்டித - வித்துவான் - திரு. மு. பெருமாள் அவர்கட்கும் நான் மிகமிக நன்றி செலுத்தக் கடமைப்பட்டுள்ளேன்.
கிடைத்தற்கரிய ஒவ்வொரு நொடிப் பொழுதையும் வீணாக்காது நன்முறையிற் பயன்படுத்தும் பேரறிஞர் உயர்திரு. டாக்டர். மு. வரதராசனார் அவர்கள், தமது பொன்னை நேரத்தில் ஒரு பகுதியை எனக்காகச் செலவிட்டுச் சிறந்த முறையில் அணிந்துரை எழுதியருளினமைக்காக அவர்கட்கு என் பெரு நன்றி உரியதாக.
மற்ற நூல்கள் போலவே இந்நூலும் உருவாவதற்குப் பல்லாற்றானும் துணைபுரிந்த புதுவைப் பைந்தமிழ்ப் பதிப்பகப் புரவலர் உயர்திரு. சிங்கார குமரேசனார் அவர்கட்கும் என் நன்றி உரித்து.
டாக்டர். மு. வ. அவர்கள் தமது அணிந்துரையின் இறுதியில் பரிந்துரைத்துள்ளாங்கு, கல்விக்கூடங்கள், நூலகங்கள், பல்கலைக் கழகங்கள் உட்படத் தமிழகத்தின் பேராதரவை இந்நூலுக்குப் பெரிதும் வேண்டுகிறேன்.
