பக்கம்:தமிழ் அகராதிக் கலை.pdf/441

விக்கிமூலம் இலிருந்து
இப்பக்கம் மெய்ப்பு பார்க்கப்படவில்லை

437

437

இப்படி ஓர் அகராதி . படைக்கவேண்டுமெனில் எத்தனை மொழியறிவு வேண்டும்! ஆம்! அத்தனை மொழியறிவும் பெற்ற பேராசிரியர்கள் இருவர் இணைந்து இந்த அகராதியை ஆக்கியுள்ளனர். அவர் களுள் ஒருவர், ஆக்சுபோர்டு பல்கலைக் கழகப் (Univer - sity of Oxford) பேராசிரியர் டி. பர்ரோ (T. Burrow) என் பவர், மற்றவர், கலிபோர்னியா பல்கலைக் கழகப் (Unit - versity of California) பேராசிரியர் எம். பி. எமினோ (M.B. Emeneau) என்பவராவர். இவர் தம் அரிய அயரா முயற்சியின் உருவமாகிய இவ்வகராதியால், தமிழ் மொழி அனைத்துலகினும் பரந்துபட்டுள்ள பெருமை புலனாகிற தன்றோ? அயல் நாட்டு வெள்ளையர்களாகிய இப்பேராசிரியப் பெருமக்கள் இருவரும் நம் நாட்டு மொழிகளைப் பற்றி இவ்வளவு அறிந்திருப்பதை எண் ணுங்கால், நம் நாட்டில் படித்தவர்கள் எனப்படுபவர் களுட் பெரும்பாலோர் தமது தாய் மொழியைப் பற்றிகூட ஒன்றும் அறியாதிருப்பது வருத்தப்படத் தக்கது மட்டுமன்றி வெட்கப்படத் தக்கது மாகு மன்றோ ?

உயரிய உழைப்பின் உருவமாகிய இவ்வகராதி யில் மொத்தம் 4572 சொற்கள் பொருள் விளக்கப்பட்ட டுள்ளன. மிகமிக நீளமும் அகலமுங் கொண்ட 610 பக்கங்களையுடைய இந்த வெளியீட்டின் விலையோ நூறு ரூபாய் எண்பது காசு (ரூ. 100-80) ஆகும். இந் நூல், இங்கிலாந்து நாட்டில் ஆக்சுபோர்டு நகரில் 1961 -

ஆம் ஆண்டில் அச்சிடப் பெற்றது.

புகழ்ச்சிக்குரிய இவ்வகராதியின் மாதிரிச் சுவைக் காக, இதன் தொடக்கத்திலும் இடையிலும் கடையில் லும் உள்ள மூன்று சொற்களின் பொருள் விளக்கங் களை இங்கே காண்பாம்.

T