490
திருக்குறள்
மகிழ்ச்சியைச் செய்தலால். குடித்தாலல்லாமல் மகிழ்ச்சியைச் செய்யாத கள்ளினுங் காமம் இன்பமுடையது என்றவாறு. ௧
1202. எனைத்தொன் றினிதேகாண் காமந்தாம் வீழ்வார்
நினைப்ப வருவதொன் றில்
என்பது, இதுவுமது.
தனக்குப் பிரியமானவரைப் பிரிந்த போது அவர்களை நினைத்தால் அந்த நினைவினாலே வருந் துக்கமில்லையாம்; ஆனபடியினாலே காமம் எப்படியும் நல்லதாம் என்றவாறு. ௨
1203. நினைப்பவர் போன்று நினையார்கொல் தும்மல்
சினைப்பது போன்று கெடும்
என்பது, தலைமகனை நினைக்கின்ற தலைமகள் தோழிக்குச் சொல்லியது :
எனக்குத் தும்மல் எழுவது போலிருந்து கெடா நின்றது; அதனாலே காதலர் என்னை நினைப்பார் போன்று நினையாராகல் வேண்டும் என்றவாறு. ௩
1204. யாமு முளேங்கொ லவர்நெஞ்சத் தெந்நெஞ்சத்
தோஒ வுளரே யவர்
என்பது (இதுவுமது)
எம்முடைய நெஞ்சிலே அவர் எப்பொழுதும் இரா நின்றார்; அவர் நெஞ்சிலும் யாமும் இராமோ என்றவாறு ௪
1205. தந்நெஞ்சத் தெம்மைக் கடிகொண்டார் நாணார்க்கொ
லெந்நெஞ்சத் தோவா வரல்
என்பது (இதுவுமது)
தம்முடைய நெஞ்சிலே யாம் போக வொட்டாமல் எம்மைக் காவல் கொண்ட காதலர் தாம், எம்முடைய நெஞ்சிலே எப்பொழுதும் வருதற்கு நாணாரோ என்றவாறு ௫
