இப்பக்கம் மெய்ப்பு பார்க்கப்பட்டுள்ளது
கற்பியல்
அதிகாரம் 129
புணர்ச்சி விதும்பல்
உள்ளக் களித்தலும் காண மகிழ்தலும்
கள்ளுக்கில் காமத்திற்கு உண்டு
1281
தினைத்துணையும் ஊடாமை வேண்டும் பனைத்துணையும்
காமம் திறைய வரின்
1282
பேணாது பெட்பவே செய்யினும் கொண்களைக்
காணாது அமையல கண்
1283
ஊடற்கண் சென்றேன்மன் தோழி அதுமறந்து
கூடற்கண் சென்றதுஎன் நெஞ்சு
1284
எழுதுங்கால் கோல்காணாக் கண்ணேபோல் கொண்கன்
பழிகாணேன் கண்ட விடத்து
1285
காணுங்கால் காணேன் தவறாய காணாக்கால்
காணேன் தவறல் லவை
1286
உய்த்தல் அறிந்து புனல்பாய் பவரேபோல்
பொய்த்தல் அறிந்தென் புலந்து
1287
இளித்தக்க இன்னா செயினும் களித்தார்ககுக்
கள்ளற்றே கள்வநின் மார்பு
1288
மலரினும் மெல்லிது காமம் சிலர்அதன்
செவ்வி தலைப்படு வார்
1289
கண்ணின் துளித்தே கலங்கினாள் புல்லுதல்
என்னினும் தான்விதுப் புற்று
1290
263
263
