பக்கம்:திருக்குறள் புதிய உரை.pdf/297

விக்கிமூலம் இல் இருந்து
Jump to navigation Jump to search
இந்த பக்கம் மெய்ப்பு பார்க்கப்படவில்லை


296 டாக்டர் எஸ். நவராஜ் செல்லையா தீவினைக் கொடுமை நீங்கவில்லை. அது தாக்குகிறது. தாக்குதலின் உச்சக் கட்டம் இறுக்கி விடுவது, கடைசிக் கட்டம்-இல்லாமல் செய்து விடுவது. இப்படித்தான் தீவினைகள், செய்த மனிதருக்கு எதிராக எழும்பி, நீதியை நிலை நிறுத்த, அவரைக் கடுமையாகத் தாக்கி, உடலையும் மனத்தையும் நிலைமாறச் செய்து, நிம்மதியை அழித்து, இறுதியில் கழித்து இல்லாமல் ஆக்கி விடுகிறது. இந்த அற்புதமான தண்டனையைத் தமது 8 வது குறளில் வள்ளுவர் நயத்தோடு விளக்கி இருக்கிறார். 209. தன்னைத்தான் காதலன் ஆயின் எனைத்தொன்றும் துன்னற்க தீவினைப் பால் பொருள் விளக்கம்: தன்னை காதலன் - தன்னைத் தலைவனாக (ஒருவன்) ஆயின்தான் = உயர்த்திக் கொள்ள, (வேண்டும் என்பதை) தான் ஆராய்ந்து பார்த்தால் எனைத்தொன்றும் = எந்தவிதமான தீவினைப்பால் = தீய செயல்களின் பக்கம் துன்னற்க - நெருங்க விடவே கூடாது. சொல் விளக்கம்: காதலன் - தலைவன், அன்பன், சிநேகன், தோழன் ஆயின் - ஆராய்ந்து பார்த்தால், துன்னற்க - நெருங்க விடாமல் முற்கால உரை: தன்னைத்தான் காதல் செய்தலுடையனாயின் தீவினையாகிய பகுதி எத்துணையும் சிறியதொன்றாயினும், பிறர் மாட்டு செய்யாதொழிக. தற்கால உரை: தன்னைத்தான் காதலிப்பவனாயின் தீவினைப் பகுதிகளில், எவ்வளவு சிறியதான ஒன்றையும் நெருங்காதிருக்கக் கடவன். புதிய உரை: தன்னைத் தலைவனாக, தானே உயர்த்திக் கொள்ள விரும்புகிற ஒருவன், தீமை பயக்கும் தீச் செயல்கள் தன்னை நெருங்கவிடாமல் (விழிப்போடு) இருக்க வேண்டும்.