பக்கம்:திருக்குறள் புதிய உரை.pdf/299

விக்கிமூலம் இல் இருந்து
Jump to navigation Jump to search
இந்த பக்கம் மெய்ப்பு பார்க்கப்படவில்லை


298 டாக்டர் எஸ். நவராஜ் செல்லையா வல்லமை கொண்டவனே வாழ்வில் தலைமையாளராக வாழ முடியும். தீவினையை நெருங்க விடாதவன், பிறர்க்குத் தீவினை செய்ய மாட்டான் என்ற நிதர்சன உண்மையை வள்ளுவர் 9 வது குறளில் விளக்கியிருக்கிறார். 210. அருங்கேடன் என்பது அறிக மருங்கோடித் தீவினை செய்யான் எனின் பொருள் விளக்கம்: மருங்கோடி-மனத்தாலும், மனம் வேறுபட்டவன் பக்கம் சென்று தீவினை செய்யான் = தீவினைகளைச் செய்யாத செம்மை யுடையவன்; எனின் = என்றால் அருங்கேடன் - என்றும் அழிவில்லாதவன் என்பது அறிக = என்று நாம் நிச்சயமாக உணரலாம். சொல் விளக்கம்: மருங்கு = ஒழுங்கு, பக்கம் அருங்கேடன் = அழிவில்லாதவன், கேடில்லாதவன் கேடன் = அழிப்பவன் முறகால உரை: ஒருவன் செந்நெறிக்கண் செல்லாது கொடு நெறிக்கண் சென்று பிறர் மாட்டுத் தீவினைகளைச் செய்யானாயின் அவன் அரிதாகிய கேட்டையுடையன் என்பதறிக. தற்கால உரை: ஒருவன் அறநெறியை விட்டுப் பக்கத்தில் ஒடி, தீயவினைகளைச் செய்வான் என்றால், அவன் நீக்குதற்குரிய கேட்டை உடையவன் என்று அறிக. புதிய உரை: மனத்தாலும் மற்றவர்களுக்குத் தீவினை செய்யாத ஒருவன் வாழ்வில் அழியாதவன் என்றும் நிலைத்திருப்பான் என்பதை நாம் நிச்சயமாக உணரலாம். விளக்கம்: தீவினை என்பது வஞ்சனையால் விளைகிற தீச் செயல்கள். வஞ்சனை என்பது மனத்தின் வக்கிரம், நினைவின் நஞ்சு, எண்ண வெளிப்பாட்டின் ஈனம்.