360
2. படர்மெலிந்திரங்கல்
1161. துப்பி லெவன்செய்வார் கொல்லோ துயர்வரவு
நட்பினு ளாற்று பவர்.
(இ-ள்) வன்மை செய்யவேண்டுமிடத்து யாங்ஙனஞ் செய் கின்றாரோ? மென்மை செய்யவேண்டும் நட்டோர் மாட்டே துன்பம் வருதலைச் செய்கின்றவர். (எ-று).
இது, பகைதணி வினையின்கண் பிரிந்த தலைமகனது கொடுமையை உட்கொண்டு தலைமகள் தோழிக்குச் சொல்லியது. 1
1162. மறைப்பேன்மன் யானிதோர்’ நோயை யிறைப்பவர்க்
கூற்றுநீர் போல மிகும்.
(இ-ள்) இந் நோயை யான் மறையாநின்றேன்; மறைக்க வும் , இஃது இறைப்பார்க்கு ஊற்றுநீர்போல மிகா நின்றது,
(எ-று).
தலைமகள் ஆற்றாமை கண்டு, இதனை இவ்வாறு புலப் பட விடுத்தல் தகாது’ என்ற தோழிக்குத் தலைமகள் கூறியது. 2
1163. கரத்தலு மாற்றேணிந் நோயைநோய் செய்தார்க்
குரைத்தலு நாணுத் தரும்.
(இ-ள்) இந்நோயை மறைக்கவும் அறிகின்றிலேன்; இந் நோயை செய்தார்க்குச் சொல்லிவிடவும் நாண மாகாநின்றது, (எ-று)
இவ்வாற்றாமையைத் தலைமகற்குச் சொல்லிவிடுவோம்’ என்று தலைமகள் குறிப்பறிதற் பொருட்டுக் கூறிய தோழிக்குத் தலைமகள் கூறியது.
1164. காமக் கடன்மன்னு முண்டே யது நீந்து
மேமப் புணை மன்னு மில்.
(இ-ள்) காமக்கடல் நிலையாக உண்டே, அது நடக்கும் ஏமமாகிய புணை நிலையாக இல்லையே, (எ-று).
1. யாளி..தோ’ என்பது மணக். பாடம்.
