பக்கம்:திருக்குறள் மெய்ப்பொருளுரை 1.pdf/138

திருக்குறள் மெய்ப்பொருளுரை - பெருஞ்சித்திரனார்

க௩௫

---

⁠– 'கதை⁽⁶⁾ என்பவள் வயிற்றில், ஒருதலையுடைய நாகங்களும் பலவகைப் பாம்புகளும், தேள், பூரான், கரமண்டலி முதலிய அனைத்து நஞ்சுள்ள பிறவிகளும் பிறந்தன'

⁠– 'கத்துரு⁽⁷⁾ என்பவள் வயிற்றில், ஆயிரம் தலைகளை உடைய ஆதிசேஷனும், தட்சன், வாசுகி, கார்க்கோடகன் முதலிய எண்ணற்ற நாகங்களும் பிறந்தார்கள்'

⁠– 'தாம்பரை⁽⁸⁾ என்பவள் வயிற்றில் ஊர்க்குருவி, உள்ளான், கோழி, கொக்கு முதலிய பறவையினங்கள் பிறந்தன'

⁠– 'விநுதை⁽⁹⁾ என்பவள் வயிற்றில் அருணன், கருடன், பருந்து, கூகை முதலியனவும், வான்இடி, மின்னல் முதலியனவும் பிறந்தன'

⁠– 'குரோதவசை⁽¹⁰⁾ என்பவள் வயிற்றில் கழுதை, ஒட்டகம், மரை, மான், புலி, சிறுத்தை முதலிய கொடிய விலங்குகள் பிறந்தன'

⁠– 'இளை¹¹⁾என்பவள் வயிற்றில் மீன்கள், ஆமைகள், தவளைகள், சுரா, திமிங்கலம் முதலிய நீர்வாழும் உயிரிகள் அனைத்தும் பிறந்தன'

⁠ – 'கதை⁽¹²⁾ என்பவள் வயிற்றில் மரம்,செடி, கொடி, புல், பூண்டு ஆகிய பல்லாயிரம் பயிரினங்கள் எல்லாம் பிறந்தன'

⁠– 'அநாயு⁽¹³⁾ என்பவளிடம் சித்திரையும்'

⁠ – 'பிரதை⁽¹⁴⁾ யிடம் காந்தர்வர்களும்',

⁠ – 'முனி⁽¹⁵⁾யிடம் அப்ஸரஸ்களும், பிறந்தனர்.'

⁠ – இனி, இவர்கள் அல்லாமல், காசிபர் மேலும்,

⁠ – 'காலை' என்பவளை மணந்து காலகேயர், பர்வதன் என்னும் தேவரிஷி,

⁠ – 'புலோமை' என்பவளை மணந்து, புலோமர், விபாண்டகன் என்னும் பிரம்மரிஷி,

⁠ – 'மாயை என்பவளை மணந்து, சூரபத்மன் முதலியவரையும்,

⁠ – 'ஊர்வசியைப் புணர்ந்து வசிஷ்டமுனிவரையும் பிறப்பித்தார்.'

⁠ – 'அவர் மேலும் பூமாதேவியை மணந்து, பூமியில் உள்ள பிற அனைத்தையும் பிறப்பித்தார்.

⁠ – காசிபரால் இவையனைத்தும் பிறப்பிக்கப் பெற்றதால் இவை வாழுமிடமாகிய பூமிக்கு காசினி என்று பெயர் உண்டாயிற்று' – என்பர்.

⁠ – இவ்வாறான பொய்ம்மையும் புலைமையும் பொருந்தாமையும் நிறந்த ஆரியவியலின் படைப்புக் கொள்கையையும்