66 அ-2-10 ஒழுக்கமுடைமை 14
கேடு - பொருள்கேடும், உடல்கேடும், இழிவாலும் பழியாலும் ஏற்படும்
மன உலைவும், மானக்கேடும்.
2. ஒழுக்கத்தின் ஒல்கார் - தாம் கடைப்பிடித்து ஒழுகும் தன்னொழுக்கத்தில்
குறைவு படார்.
ஒல்குவது குறுகுவது; குறைவு படுவது.
3. இஃது, ஒழுக்கமில்லாதவர்க்கு வாழ்வியல் மேம்பாடு இல்லை என்பதுடன், இழுக்கும் ஏதங்களும் வேறு வரும் என்றதால், அதன் பின்னர் வைக்கப்பெற்றது.
கங்எ. ஒழுக்கத்தின் எய்துவர் மேன்மை இழுக்கத்தின்
எய்துவர் எய்தாப் பழி - 137
பொருள்கோன் முறை :
ஒழுக்கத்தின் மேன்மை எய்துவர் இழுக்கத்தின் எய்தாப்பழி எய்துவர்.
பொழிப்புரை : எவரும் ஒழுக்கத்தினால் மேன்மேல் பெருமையை பெறுவர்;
ஒழுக்கம் தவிர்தலால் இதுவரை அடையாதனவும், அடாதனவுமான பழிகளை அடைவர்.
சில விளக்கக் குறிப்புகள் :
1. ஒழுக்கத்தின் மேன்மை எய்துவர் - எவரும் ஒழுக்கத்தினால் மேன்
மேலும் பெருமையே பெறுவர்.
மேன்மை - மேன்மேலும் பெருமைக்குரிய நிலை; மேலாம் நிலை
பத்வி, செல்வம், அதிகாரம் முதலியவற்றால் ஒழுக்கம் உடையவர் தகுதி மதிக்கப்பெற்று, மேலும் மேலும் சிறப்பும் பெருமையுமே பெறுவர். 2. இழுக்கத்தின் எய்தாப் பழி எய்துவர் - ஒழுக்கம் தவறுதலால் இதுவரை
அடையாததும், அடாததுமான பழிகளை அடைவர்.
இழுக்கம் - ஒழுக்கம் இழுக்கியதால் இழுக்கம் ஆயிற்று.
இழுக்குதல் - தவறுதல்.