திருக்குறள் மெய்ப்பொருளுரை - பெருஞ்சித்திரனார்
27
சில விளக்கக் குறிப்புகள் :
1. கண்நின்று கண்ணறச் சொல்லினும் - ஒருவன் கண்ணுக்கு எதிரே நின்று, கண்ணோட்டம் எனும் இரக்கம் இன்றி, அவன் குற்றத்தைக் கடிந்து சொல்லினும்.
கண் அற - கண்ணோட்டம் (இரக்கம்) இல்லாதபடி
- கண் - இவ்விடத்துக் கண்ணோட்டம்.
கண்ணோட்டம் - இரக்கம்.
‘கண்என்னும் கண்ணோட்டம் இல்லாத கண்’ - 573
‘கண்ணிற்கு அணிகலம் கண்ணோட்டம்’ - 575
- கண் - கண்ணோட்டம்.
‘கடுஞ்சொல்லன் கண்ணிலன் ஆயின் நெடுஞ்செல்வம்
நீடின்றி ஆங்கே கெடும்'
- 566
- கண்ணோட்டமின்றிச் சொல்லுதலால் கடிந்து சொல்லுதல் ஆயிற்று.
2. முன்இன்று, பின்நோக்காச்சொல் சொல்லற்க - அவன் முன் இல்லாமல், பின் விளையும் கேடுகளை எண்ணிப்பாராமல், அவனைப் பற்றிப் புறங்கூறும் பழிச் சொற்களைப் பிறரிடம் சொல்லுதல் வேண்டா.
- முன்நின்று - அவன்முன் இல்லாமல்
- புறத்தேபோய்,
- பின்நோக்கா - பின்விளையும் கேடுகளை எண்ணிப் பாராமல்.
சொல் - அவ்வாறான புறங்கூறுதலாகிய பழிச் சொற்கள்.
சொல்லற்க - சொல்லுதல் வேண்டா.
பின்விளைவு கருதுதல், - அதனால் அவனுக்கும், புறங்கூறப் பெற்றவனுக்கும் வருகின்ற பொதுநலக் கேடுகள்.
- அறக் கேடுகள், என்க.
கணமலை நன்னாட கண்ணின்று ஒருவர்
குணமேயும் கூறற் கரிதால் - குணன்அழுங்கக்
குற்றம் உழைநின்று கூறும் சிறியவர்கட்
கெற்றால் இயன்றதோ நா.
-நாலடி:353
- என்றார் பிறரும்.
