151
வெகுளியை அடக்குதலின் இன்றியமையாமையை வற்புறுத்துங்கால்,
பாபக்கடற்கோர் படுகடலாம் பாழ்வெகுளிக்
கோபக் கடலிற் குளித்தனையே - தாபமுறச்
செல்லாவிடத்துச் சினந்தீது செல்லிடத்தும்
இல்லதனில் தீயதென்ற தெண்ணிலையோ மல்லல்பெறத்
'தன்னைத்தான் காக்கிற் சினங்காக்க' என்றதனைப்
பொன்னைப்போல் போற்றிப் புகழ்ந்திலையே
அகழ்வாரைத் தாங்கும் நிலம்போல என்னும்
திகழ்வாய்மையும் நீ தெளியாய்
எனவரும் நெஞ்சறிவுறுத்தற் பகுதியில் வெகுளாமை என்ற அதிகாரத்தில் வரும் மூன்று திருக்குறளையும் ஒருசேர எடுத்தாண்டமை காணலாம்.
நாழிகைமுன்
நின்றார் இருந்தார் நிலைகுலைய வீழ்ந்துயிர்தான்
சென்றார் எனக் கேட்டுந்தேர்ந்திலையே
என யாக்கை நிலையாமையை உணர்த்தும் இக்கண்ணி
புல்நுனிமேல் நீர்போல் நிலையாமை என்றெண்ணி
இன்னினியே செய்க அறவினை-இன்னினியே
நின்றான் இருந்தான் கிடந்தான்தன் கேள்அலறச்
சென்றான் எனப்படுதலான்
எனவரும் நாலடியார் செய்யுளை அடியொற்றி யமைந்திருத்தல் காணலாம்.
பரஞ்சோதி முனிவர்பால் உபதேசம் பெற்ற மெய்கண்ட தேவநாயனாருக்குத் திருவெண்ணெய் நல்லூரில்