159 இவ்வதிகாரமாதலின் மேலதிகாரத்தோடு இயைபுடைய தாயிற்று. இதன் முதற்குறள், எல்லாநூற்பொருள்களும் தன் பொருளேயாகத் திரண்டு கூடிய சிறப்புடையது திருவைந் தெழுத்தென்பது உணர்த்துகின்றது. தெரியுப்புகின், அருள்நூலும் ஆரணமும் அல்லாததும் ஐந்தின்பொருள் நூல் என இயையும். அருள்நூல்-இறைவன் உயிர்கள்மேல்வைத்த பேரருளால் அருளிச்செய்த சிவாகமங் கள். ஆரணம்.வேதம். அல்லாதும்.அவையல்லாதனவும்; மேற் குறித்தவாறு இறைவனுலன்றி அவனருள்பெற்ற பெரியோர் களால் இயற்றப்பட்ட பல சாத்திரங்கள். ஐந்தின் பொருளா வன, பதி பசு பாசங்கள். . வேதம் நான்கினும் மெய்ப்பொரு ளாவது நாதன் நாமம் நமச்சி வாயவே ’’ (3-49-1, என ஆளுடைய பிள்ளையார் அருளிச் செய்துள்ளமையும், ' அருமறை மருங்கின் ஐந்தினும் எட்டினும் வருமுறை யெழுத்தின் மந்திரம் இரண்டு ' (சிலப்-காடுகாண் 128-9) என வரும் தொடரில், பஞ்சாக்கரமாகிய திருவைந்தெழுத்தினே இளங்கோவடிகள் சிறப்புடைய மந்திரங்கள் இரண்டினுள் முன்வைத்து ஒதியுள்ளமையும், எல்லாநூற்பொருள்களும் தன் பொருளேயாகத்திரண்ட இத்திருவைந்தெழுத்தின் பெருமை யினை நன்கு புலப்படுத்துவனவாகும். ' அஞ்செழுத்தே ஆகமமும் அண்ணல் அருமறையும் அஞ்செழுத்தே ஆதிபுராணம் அனேத்தும்-அஞ்செழுத்தே ஆனந்த தாண்டவமும் ஆருறுக் கப்பாலாம் மோனந்த மாமுத்தி யும் ’’ (உண்மைவிளக்கம்.44) எனவரும் திருவதிகை மனவாசகங்கடந்தார் வாய்மொழிப் பொருளைச் சுருங்க விளக்கும் முறையில் அமைந்தது. இக் குறட்பாவாதலறிக.
