பக்கம்:நல்ல எறும்பு.pdf/32

விக்கிமூலம் இலிருந்து
இப்பக்கம் மெய்ப்பு பார்க்கப்பட்டுள்ளது

நல்ல எறும்பு

இன்பம் உள்ள எறும்பே,
எங்கள் கட்டிக் கரும்பே,
துன்பம் ஒன்றும் புரியோம் ;
தின்ப தற்கும் தருவோம்.1

காலை தன்னில் எழுவோம் ;
கடவுள் பாதம் தொழுவோம் ;
நூலைக் கற்போம் சீராய் ;
நுண்ணெ றும்பே வாராய். 2

தந்தை சொல்லைத் தள்ளோம் ;
தாயின் சொல்லும் எள்ளோம் ;
சுந்த ரச்சிற் றெறும்பே,
செய்வ தில்லை குறும்பே. 3

உன்னைப் போலே உழைப்போம் ;
ஊக்கம் கொண்டு பிழைப்போம் ;
பொன்னின் மிக்க எறும்பே,
போக வேண்டாம் திரும்பே.4

26

"https://ta.wikisource.org/w/index.php?title=பக்கம்:நல்ல_எறும்பு.pdf/32&oldid=1525805" இலிருந்து மீள்விக்கப்பட்டது