இப்பக்கம் சரிபார்க்கப்பட்டது.
தேச சேவை செய்யவே
சேர்ந்தெழுந்து நின்றுளோம்
ஆசை எங்கள் வாழ்விலே
அன்னை சேவை சேவையே -தேசசேவை
அரிய செயல்கள் யாவையும்
ஆர்வங் கொண்டு செய்குவோம்
பெருமை என்றும் ஓங்கவே
பெரிய எண்ணம் கொள்ளுவோம் -தேச சேவை
ஜாதி பேதச் சிறுமைகள்
சமய வாதப் பிரிவுகள்
ஏதும் இந்த நாட்டிலே
இல்லை என்று போக்குவோம் -தேச சேவை
மாந்தர் ஒன்று கூடியே
வாழ்வில் இன்பம் எய்தவே
சாந்தி எங்கும் பொங்கவே
சத்யம் அன்பு நாட்டுவோம்- தேச சேவை
17
ந-2
