பச்சையப்ப முதலியாரின் உயில்
பிரமாதீச௵ பங்குனி௴ 12௨ கும்பகோணத்திலே தமக்கு சரீரம் சொஸ்தமில்லாமல் எதுவானாலும் அபாயங்கள் வந்ததானல் என் காரிய பாகங்கள் சகலமும் M. போனி நாராயண பிள்ளேயவர்களும் அவர் குமாரன் அய்யாப்பிள்ளையவர்களும் பார்த்துக் கொள்ளுவது.
நானிதுவரைக்கும் சம்பாதித்ததிலே ஒரு லக்ஷம் வராகன் பணத்துக்கு லயமில்லாத இடத்திலே வட்டிக்குவைத்து அதிலே வருகிற வட்டியைக் காசி முதல் ராமேசுவரம் வரைக்கும் முன் நானெழுதியிருக்கிற ஸ்தலங்கள்தோறும் கட்டளை வைத்து அபிஷேக நைவேதனம் நடக்கும்படி பண்ணவும். சிதம்பரம் ஶ்ரீ சபாபதி கீழ்கோபுரம் கட்டி முடிகிறதற்கு இப்போது பூவாளுர் ஐயன்செட்டி மாரிபத்தில் பதினேராயிரத்து முந்நூறு வராகன் வைத்து வேலை நடந்து கொண்டு வருகிறதானபடியினாலே அந்தப் பணம் ஆய்ப் போனவுடனே, என் சொந்த ஆஸ்தியிலே முன் சிவதர்மத்துக்கு வைத்திருக்கிற லக்ஷம் வராகனே யல்லாமல் வேறே இருக்கிறதிலே, அந்தக் கோபுரத் திருப்பணி முடிகிறதற்குச் செல்லுமானது இருபதினாயிரம் முப்பதினாயிரம் வேண்டியதைக் கொடுத்து, கோபுரத்தைக் கட்டி முடித்துச் சிவ தருமத்தை நிறைவேற்றிப் போடவும்.
எங்கள் குருக்களையா வீடுகட்டிக் கொள்ளுகிறதற்கு ஆயிரம் வராகன் கொடுக்கவும். அவருக்கு நெல்லுக்கும் மனைச் செலவுக்கும் மனைவிருத்தி நடக்க வட்டிக்கு வைத்துக் கொள்ள ஆயிரம் வராகன் கொடுக்கவும். ஆக இரண்டாயிரம் வராகன் அகத்தியம் கொடுக்கவும்.
என்னண்டையிலே வெகு நாளாய் ராயச மெழுதிக் கொண்டிருந்த விநாயக மூர்த்தியா பிள்ளைக்கு மனைவிர்த்-
