19
ஹானரெபில் சுப்பிரமணிய ஐயரவர்கள், திவான் பகதூர் இரகுநாத ராயரவர்கள், ராய்பகதூர் அனந்தாசார்லு முதலான இருபத்தொருவருடன் நாமும், சென்னையிலிருந்து ரெய்ச்சூர் வரைக்கும் 5 ரூபாய் சிலவானங்கொடுத்து மூன்றாவது வகுப்பு வண்டியேறியதில் போதுமான சவுக்கிய மில்லாமையால், ரெய்ச் சூரிலிருந்து ரூபா 26-14-0 கொடுத்து இரண்டாவது வகுப்பு வண்டியேறிப் போனோம்.
இடையில் மகாராஜராஜஶ்ரீகளாகிய திவான் பகதூர் இரகுநாத ராயரவர்களுடையவும், ராய்பகதூர் சபாபதி முதலியாரவர்களுடையவும் சகாயத்தினுல் நல்ல போஜனமும் தின்பண்டங்களும் கிடைக்கப்பெற்றோம். டிசம்பர் ௴ 26-ஆம் தேதி ஞாயிற்றுக்கிழமை பகல் சுமார் 12 மணிக்கு பொம்பாயைச் சேர, அங்கு ஆனரெபில் காசிநாத் திம்பக்திலாங்கு, ஆனரெபில் ஹியூம் முதலானவர்கள் எங்களை மரியாதையுடன் அழைத்துக்கொண்டுபோய் கோகுலதாஸ் தாஜிபால் என்பவருடைய சிங்கார மாளிகையில் விட்டு போஜன முதலானதுகளைக் கொடுத்து மரியாதை செய்தார்கள்.
அந்தத் திருமாளிகை ஶ்ரீமான் சேட் கோகுலதாஸ் தாஜிபால் என்னும் தரும பிரபுவின் சொந்தமானது. அந்தப் பிரபுவானவர் கோடீசுவரராக விருந்தபடியால், தம் பந்து மித்திரர்களுக்குக் கொடுக்க வேண்டிய சொத்துக்களைக் கொடுத்து மீதியான திரவியத்தில் ஏழை போஜன கல்விச் சாலைக்கு 160000 ரூபாய், பதிய விதந்து போஷணைக்கு 50000 ரூ, பதிய பேதைப் பெண்கள் விவாகத்துக்கு 25000 ரூ, பதிய அனாதிப் பிணங்களே அடக்கஞ் செய்ய 5000 ரூ, பதிய அனாதிப் பிணங்கள் கருமாந்திர பண்டுக்காக 50000 ரூ, பதிய பேதைப் பிள்ளைகளுக்கு உதவிப் பண்டு 25000 ரூ, செமினெரி பள்ளிக் கூடத்துக்கு 20000 ரூ, அங்கிலோவர்னாகுலர் ஸ்கூலுக்கு 20000 ரூ, ஸமஸ்கிருத காலேஜூக்கு 80000 ரூ, பெண் கல்விச் சாலைக்கு 40000 ரூ, வாலிபப் பெண்கள் பண்டு 4000 ரூ, குஞ்சுமாதேவி ஸமஸ்கிருத கூலி 30000 ரூ,
