[தென்னார்க்காடு மாவட்டத்திலுள்ள திண்டிவனத்தில் 1852-ல் தோன்றி 1897-ல் மறைந்த மாமேதையும், பன்மொழிப் புலவரும்; பாரிஸ்டருமாகிய ப.வ. இராமசாமி ராஜு என்பவர்,
“ஒருமைப்பா டென்னுமோர் உசிதவழக்கம் தன்னை
ஒருகாலும் அறியாரே அண்ணே
பெருமை குலைந்ததனால் புறத்தார்க்குக் கீழ்ப்பட்ட
பேதமை அறியீரோ அண்ணே.”
என்னும் இந்த அடிகளையும், இன்னும் பல அடிகளையும் கொண்ட தேசியப் பாடலொன்றை 99–ஆண்டுகளுக்கு முன்பே பாடியிருக்கிறார். 1877–ஆம் ஆண்டில் இப்பாடலை இக்கவிஞர் எழுதியிருப்பதிலிருந்து, தமிழகத்தில் தோன்றிய முதல் தேசியக் கவிஞர் இவரே என்பதை எவரும் மறுக்கமுடியாது.
தேசியக் கவிஞர்களுள் பாரிஸ்டர் இராமசாமி ராஜு என்பவர் ஒரு பல்லவியைப் போன்றவர் என்றால், அடுத்த நிலையிலுள்ள பாரதியார் ஓர் அநுபல்லவியைப் போன்றவர். சேலம் அர்த்தநாரீஸ்வரவர்மாவும், கோவை குழந்தை தாசும், மதுரை பாஸ்கர தாசும், பழனி வேலுசாமிக் கவியும் சரணத்தைப் போன்றவர்கள்.
இந்தப் பட்டியலில், பாரதியைத் தவிர மற்றவர்கள் மறைக்கப்பட்டு விட்டார்கள். அதனால், அவர்களின் பெயர்களைக் கூட மக்கள் மறந்துபோய்விட்டனர்.
பெருந்தலைவர் காமராஜ் அவர்களின் மிக நெருங்கி நண்பரும், தலையங்கம் எழுதுவதில் தலைசிறந்து விளங்கியவரும் 1934-ஆம் ஆண்டிலிருந்து