பட்டி - சொல், பெயர் ஆய்வு T 189
நிகண்டுகள் வழங்கும் இக்கருத்துக்களுக்கு ஏற்ப இலக்கியங்களும் பேசுகின்றன.
வடநாட்டுப் பயணத்தினின்றும் வென்று மீண்ட
சேரன் செங்குட்டுவன் தன் சேரமாதேவியுடன் கொலு வீற்றிருந்ததை,
“அணிமணி அரங்கம்
விங்குநீர் ஞாலம் ஆள்வோன் ஏறி 072 என்கின்றது சிலப்பதிகாரம் . இதனில் ஆட்சிக் களம் அரங்கமாகக் கூறப்படுகின்றது. இவ்வடியில் ஏறி என்னும் சொல்லும் உயரமான மேடை என்பதைச் சொல்லி நிற் கின்றது . இவ்வரச மேடை பொன் தகடுகளால் ஒப்பனை செய்யப்பட்டுப் பொன்புனை அரங்கம்” எனப்பட்டது.
“பாடுவார் பாணிச் சீரும்;
ஆடுவார் அரங்கத் தாளமும்” என்னும் பரிபாடலிலும்,
அவைபுகழ் அரங்கின்மேல் ஆடுவாள்” என்னும் கலித்தொகையிலும் நாட்டியக் களத்தை அரங்க மாகக் காண்கின்றோம் . சிலப்பதிகார அரங்கேற்று காதை என்னும் காதைப் பெயரும்,
“ஆடல் புணர்க்கும் அரங்கு இயல் மகளிர்” என்னும் மணிமேகலை அடியும் நாட்டியக் களத்தை அரங்கமாகக் குறிக்கின்றன.
