பசு நமக்குப் பால் தருகின்றது. நாய் அன்போடு வாலைக் குழைக்கிறது; வீட்டைக் காவல் புரிகின்றது. குதிரை வண்டியை இழுத்துக் கொண்டு வேகமாகச் செல்கின்றது. மாடு வயலில் உழுது நமக்கு உணவு தானியங்களைப் பயிர் செய்ய உதவுகின்றது. ஆட்டுக் குட்டி துள்ளிக் குதிக்கும் போது எவ்வளவு இன்பமாக இருக்கின்றது!; அது நம்மை அண்டிப் பிழைக்கும் சாதுவான பிராணி. காந்தி அடிகள் ஆட்டின் பாலைத்தான் விரும்பிக் குடித்தார்.
இவ்வகையான விலங்குகளை எல்லாம் நாம் நன்றாகக் காப்பாற்ற வேண்டும் என்கிறார் பாரதியார்.
பாலைப் பொழிந்து தரும் பாப்பா - அந்த
பசுமிக நல்லதடி பாப்பா
வாலைக் குழைத்து வரும் நாய்தான் - அது
மனிதர்க்குத் தோழனடி பாப்பா.
வண்டி இழுக்கும் நல்ல குதிரை - நெல்லு
வயலில் உழுதுவரும் மாடு
அண்டிப் பிழைக்கும் நம்மை ஆடு - இவை
ஆதரிக்க வேணுமடி பாப்பா.
காலை எழுந்தவுடன் என்ன செய்ய வேண்டும் பாரதியார் சொல்வதைக் கவனமாகக் கேளுங்கள். காலைக் கடன்களை முடித்துக் கொண்டு முதலில் படிக்க வேண்டுமாம். காலையில்தான் நமது மூளை மிக நன்றாக வேலை
34
