பக்கம்:மருதநில மங்கை.pdf/64

விக்கிமூலம் இல் இருந்து
Jump to navigation Jump to search
இந்த பக்கம் மெய்ப்பு பார்க்கப்பட்டுள்ளது
62புலவர் கா. கோவிந்தன்
 


முன்பகல் தலைக்கூடி, நண்பகல் அவள்நீத்துப், 10
பின்பகல் பிறர்த்தேரும் நெஞ்சமும் ஏமுற்றாய்;

என வாங்கு,
கிண்கிணி மணித்தாரோடு ஒலித்துஆர்ப்ப, ஒண்தொடிப்,
பேரமர்க் கண்ணார்க்கும் படுவலை.இது, என
ஊரவர் உடன்நகத் திரிதரும் 15
தேர் ஏமுற்றன்று நின்னினும் பெரிதே.”

பரத்தையிற் பிரிந்துவந்த தலைவனுக்கு வாயில் மறுக்கும் தலைவி கூறியது இது.

2. தாது-தேன்; அமர்ந்து-விரும்பி; ஆடி-உண்டு; பாசடைச் சேப்பு-பசிய இலைகளைக் கொண்ட தான்தோன்றி எனும் கிழங்குவகை; 4 மைதபு-குற்றம் அற்ற; கிளர்-விளங்கும்; கொட்டை-தாமரைப் பொகுட்டு; 5. கொய்குழை-கொய்த தளிர்கள்; அகை-துளிர்க்கும்; 7. ஏமுற்றான்-பித்தேறினான்; 8. செகுத்தல்-அழித்தல்; உண்டாங்கு-உண்டது போல்; 11. நெஞ்சமும்-நெஞ்சை உடைய நீயும்; 15. தேர்-ஈண்டுத் தேர்ப்பாகன்.