பக்கம்:மருத்துவ கலைச்சொல் களஞ்சியம்.pdf/68

விக்கிமூலம் இல் இருந்து
Jump to navigation Jump to search
இந்த பக்கம் மெய்ப்பு பார்க்கப்பட்டுள்ளது


 50

கும் ஒருவகைக் கொசு இனம். இந்தக்கொசு இனத்தின் பெண் கொசுக்கள் கடிப்பதால் மனிதருக்கு முறைக்காய்ச்சல் உண்டாகிறது. anoplasty : குத அறுவைச் சிகிச்சை : குதத்தில் அறுவைச் சிகிச்சை செய்து நோயைக் குணப்படுத்தும் முறை.

anorchism: விரையின்மை : ஒருவருக்கு ஒன்று அல்லது இரண்டு விரைகளும் பிறவியிலேயே இல்லா திருத்தல் .

anorectal : குதவாய் தொடர்பான நோய் : குதம், குதவாய் தொடர்பான வெடிப்பு நோய் anorectic . பசியின்மை பசி தனிப்பி; பசியடக்கி, பசி குறைப்பி : (1) உணவு உண்பதில் விருப்பம் இல்லாதிருக்கும் நோய் (2) பசியின்மை நோயால் அவதியுறுபவர்.

anorexia (anorexia nervosa) : பசியின்மை நோய், பசியாமை நோய். பெரும்பாலும் குமரப்பருவப் பெண்களைப் பீடிக்கும் ஒரு சிக்கலான உளவியல் நோய உடல் பருத்துவிடுமோ என்ற அச்சத்தில் இளம் பெண்கள் மிகக்குறைவாக உணவு உண்பதைப் பழக்கமாக்கிக் கொள்ளும்போது இந்தப் பழக்கம் ஓர் உளவியல் நோயாக மாறி உணவு உண்பதில் வெறுப்பை உண்டாக்கி விடுகிறது இதனை "ஒல்லியாவதற்கு அடிமையாதல்" என்றும் கூறலாம். இந் நோய் கண்டவர்களுக்கு உடல் எடை குறைகிறது; உடல் எடை குறைந்தாலும் உடல் குண்டாகிறது என்னும் அச்சவுணர்வு தீவிரமடைகிறது உடல் மெலிதல், இயல்புக்கு மீறி மாதவிடாய் வராது போதல், மலச்சிக்கல், கால் வீக்கம் ஆகியவை ஏற்படுகின்றன. அத்துடன மிகக் குறுகிய காலத்தில் பெருந்தீனி உண்ணும் பெரும் வேட்கையும் உண்டாகிறது. உணவு உட்கொள்வது குறைந்து கொண்டே வருவதால் இறுதியில் மரணம் விளைகிறது.

anosmia : முகர்வுணர்வின்மை ! மோப்ப உணர்வின்மை; மோப்பமின்மை : முகரும் உணர்வை இழந்து விடுதல்.

anovular : கருவளர்ச்சியின்மை ; முட்டையின்மை;சூலற்ற கருத்தடை மாத்திரைகளை உட்கொள்வதால் பெண்களிடம் கருவுறுதலின்றி மாதவிடாய் உண்டாகிறது. இதனால் இரத்தப் போக்கு அதிகமாகும். anoxaemia : குருதி ஆக்சிஜன் குறைபாடு; உயிர்வளிக்குறை குருதி: இரத்தத்தில் ஆக்சிஜன் இல்லாதிருத்தல்.

anoxia திசு ஆக்சிஜன் குறைபாடு; உயிரியமின்மை , உயிரிய முடக்கம் : திசுக்களில் ஆக்சிஜன் இல்லாதிருத்தல்.

antacid : புளிப்பு நீக்க மருந்து, அமில எதிரப்பி. அமில முறிவயிற்றில் புளிப்பை அகற்றும் மருந்து, காடித் தன்மைக்கு எதிரீடான அல்லது மாற்றான மருந்து. காரத் தன்மையுடைய வயிற்றுவலி நீக் கத தூள் கலவை மருந்துகளில் பயன்படுத்தப்படுகிறது.

antagonism : எதிர்ப்புத் தன்மை ; எதிர்ப்பியல். சில மருந்துகளிலுள்ள தீவிரமான எதிர்ப்புத்தன்மை. எடுத்துக்காட்டாக, "நாக்சோலோன்" என்ற மருந்து, மயக்க மருந்துகளின் அனைத்து விளைவுகளையும் எதிர்மாறாக்குகிறது. சிலவகைத் தசைகளுக்கும், உறுப்புகளுக்குங்கூட இந்த எதிர்ப்புத்தன்மை உண்டு.

antazoline : எதிர் விழுப்புப் பொருள் : ஒவ்வாமைக்கு எதிர்ப்பு மருந்து. ஹிஸ்டமின் எனும் பொருளுக்கு எதிர்ப் பொருள்களில் ஒன்று .