ஸ்ரீ டி. ராமலிங்கேசுவரராவ் அவர்கள் ஆங்கிலத்தில் எழுதிய நூலின் தமிழாக்கம் இது. ஆங்கில நூலைத் தமிழில் ஆக்கித் தரவேண்டும் என்று ஸ்ரீ சூரியநாராயண பட்டர் அவர்கள் கேட்டுக் கொண்டார்கள்.
"எங்களிடம் பணம் இல்லை, தரித்திர நாராயணர் நாங்கள். நீங்களே மொழிபெயர்த்து அச்சிட்டுப் புத்தகமாகக் கொடுக்க முடியுமானுல் நல்லது" என்று சொன்னர்கள். "எனது தற்போதைய நிலையில் பணம் போட்டு அச்சிட்டுப் புத்தகமாக்குவது என்னால் இயலாது. ஆனல் எனக்குப் பணம் வேண்டாம். தமிழில் செய்து கொடுக்கிறேன். எங்காவது அச்சுப் போட்டுக் கொள்ளுங்கள்’’ என்று சொன்னேன். "சரி" என்றார்கள்.
தமிழில் மொழி பெயர்த்துக் கொடுத்தேன். ஆங்கிலத்தில் மிக அழகாக எழுதியிருக்கிறார் மூல ஆசிரியர். அதன் அருமை திரியாமல் அப்படியே தமிழில் கொடுப்பது கடினம். எனினும் அந்தரங்க சுத்தியுடன் முயற்சி செய்திருக்கிறேன். அவ்வாறு செய்யும்போது சிற்சில இடங்களை ஒதுக்கியிருக்கிறேன். மொழிபெயர்க்கவில்லை. காரணங்கள் இரண்டு. சிருங்கேரி செல்பவர் தடம் மாறாமல் வேகமாகச் செல்ல வேண்டும். ஆசிரியரின் உத்வேகம் - சிருங்கேரி செல்ல அவர் துடித்த துடிப்பு- இடையே தடைபடாமல் வாசகர்களையும் வேகமாக அழைத்துச் செல்ல வேண்டும் என்பது ஒன்று.
