இப்பக்கம் மெய்ப்பு பார்க்கப்படவில்லை
முயற்சிகளுள், அண்ணத்தின் தொழிலாகிய வாய் திறத்தலால் பிறக்கும்.
அவற்றுள்,-
முயற்சியுள் அஆ அங்காப் புடைய.
(ந-நூற்பா 76.)
இலை, ஈட்டி, எருது, ஏணி, ஐந்து
இச் சொற்களில் உள்ள இ, ஈ, எ, ஏ, ஐ என்ற ஐந்து உயிரெழுத்துக்களையும் ஒலித்துப் பாருங்கள். இவற்றை ஒலிப்பதற்கு வாயைத் திறத்தலுடன், மேல்வாய்ப் பல்லை அடி நாக்கின் ஓரங்கள் பொருந்துதலாகிய முயற்சி வேண்டும் என்பது தெரியவரும்.
இலக்கண விதி: இ, ஈ, எ, ஏ, ஐ என்ற உயிரெழுத்துக்கள் ஐந்தும், வாய் திறத்தலுடன் மேல்வாய்ப் பல்லை அடி நாக்கின் ஒரங்கள் பொருந்தும் முயற்சியால் பிறக்கும்.
இஈ எஏ ஐ அங் காப்போடு
(ந-நூற்பா 77.)
உருண்டை, ஊசி, ஒன்பது, ஓடம், ஒளவை
இச் சொற்களில் உள்ள உ, ஊ, ஒ, ஓ, ஒள என்ற ஐந்து உயிரெழுத்துக்களையும் ஒலித்துப் பாருங்கள். இவற்றை ஒலிப்பதற்கு உதடுகளைக் குவிக்கும் முயற்சி வேண்டும் என்பது தெரிய வரும்.
