முயற்சியாலும், ட், ண் என்ற இரண்டு மெயப்யெழுத்துக்களும் நுனி நாக்கு மேல்வாயின் நுனிப் பகுதியைப் பொருந்தும் முயற்சியாலும் பிறக்கும்.
கஙவும் சஞவும் டணவும் முதலிடை
நுனிநா அண்ண முறமுறை வருமே.
சத்தம் சந்தம்
இச் சொற்களில் உள்ள த், ந் என்ற இரண்டு மெய்யெழுத்துக்களையும் ஒலித்துப் பாருங்கள். அவை மேல்வாய்ப் பல்லின் அடியை, நாக்கின் நுனி சென்று பொருந்தும் முயற்சியால் பிறத்தல் தெரியவரும்.
இலக்கண விதி: மேல்வாய்ப் பல்லின் அடியை, நாக்கின் நுனி சென்று பொருந்தும் முயற்சியால், த், ர் என்ற இரண்டு மெய்யெழுத்துக்களும் பிறக்கும்.
அண்பல் அடிநா முடியுறத் தநவரும்.
அப்பா அம்மா
இச் சொற்களில் உள்ள ப், ம் என்ற இரண்டு மெய்யெழுத்துக்களையும் ஒலித்துப் பாருங்கள். அவை, மேலுதடும் கீழுதடும் பொருந்தும் முயற்சியால் பிறத்தல் தெரியவரும்.
இலக்கண விதி: மேலுதடும் கீழுதடும் பொருந்தும் முயற்சியால் ப், ம் என்ற இரண்டு மெய்யெழுத்துக்களும் பிறக்கும்.