பக்கம்:வள்ளுவர் கோட்டம்.pdf/33

வள்ளவர் கோட்டம்●

31

● கவியரசர் முடியரசன்

---

                           சாதிப் போர்

பிறப்பொக்கும் அனைத்துயிர்க்கும் என்று சொல்லிப்

   பேராசான் ஆண்டிரண்டா யிரங்கள் செல்ல

இறப்புக்குள் போய்விட்டான் எனநி னைந்தே

   எத்தனையோ ஆயிரங்கள் சாதி சொல்லிப் 

பிறப்பிக்கும் ஆற்றலினைப் பெற்று விட்டோம்;

   பிறகெதற்கு வள்ளுவற்குத் திருநாள் ஒன்று?

சிறப்பிக்கும் நோக்கமிதா? அன்றி ஏய்க்கும்

   செயலுக்குச் சின்னமிதா?தெரியவில்லை. 

சாதியினை ஒழிக்கவெனச் சங்கநாதம், _

  சாதிக்கோர் சங்கமென எங்குங் காணும்;

வேதியனைப் பஞ்சமனைப் படைக்கும் வேதம்

  வேற்றுமயை நமக்குள்ளே இன்னும் ஒதும்;

மேதினியைப் பாழ்படுத்த வந்த சாதி

  மேலுமினி வாழ்வதுதான் என்ன நீதி?

ஒதிவருங் குறளுக்குத் திருநாள் என்றால்

 உண்மையினில் சாதியினி ஒழிதல் நன்றாம்.