இப்பக்கம் சரிபார்க்கப்பட்டது.
விரும்பாத கதை வெற்றியைத் தந்தது
ஒருவர் தாம் எழுதிய கதையிலேயே தம் மதிப்புக்கு அகௌரவம் ஏற்பட்டுவிடும் என்று பயந்தார். பிற்காலத்தில் அக்கதையே உலகப் பிரசித்தம் அடைந்ததைக் கண்டு ஆச்சரியப்பட்டார் என்றால் இதுவே ஒரு சுவாரஸ்யமான கதை அல்லவா?
சுமார் எழுபத்தி ஐந்து வருடங்களுக்கு முன் “அற்புதத் தீவில் அலைஸ்” என்ற புத்தகம் வெளிவந்தது. அதன் ஆசிரியர் “லூயிஸ் கரேல்” என்று அதில் குறிப்பிட்டிருந்தது. அலைஸ் கதை நம்பத்தகாத முறையில் கற்பனை போன போக்கில் எழுதப்பட்டிருந்தது. ஆனால், உலகத்து சிறுவர், சிறுமிகளுக்கு அக்கதை மிகவும் பிடித்தமாகி விட்டது. அதனால், அப்புத்தகத்திற்கு பெரிய கிராக்கி ஏற்படலாயிற்று. இதுவரை “அற்புதத் தீவில் அலைஸ்”, 169 பதிப்புகள் வெளிவந்திருக்கின்றன. பதினான்கு மொழிகளில் மொழி பெயர்க்கப்பட்டிருக்கின்றன.
