இப்பக்கம் சரிபார்க்கப்பட்டது.
54
பரந்த ஆடுகளத்தில் பணியாற்றும் நடுவர்களுக்கு மட்டுமல்ல, குறுகிய ஆடுகளத்தில் செயல்படும் நடுவர்களுக்கும் மேலே கூறிய அத்தனை முறைகளும் பொருந்தும்.
நடுநாயகமாக விளங்கும் நடுவர்களை மதிக்க கற்றுக் கொள்வோம். நலம் பயக்கும் விளையாட்டுக்களின் விதிகளை சந்தேகத்திற்கு இடமில்லாதவாறும் கற்றுக்கொள்வோம். போட்டி ஆட்டங்கள் திறமையை வளர்க்கத்தான் பொறாமையை வளர்க்க அல்ல என்பதையும் புரிந்து கொள்வோம். ஆடுகின்ற நேரங்களில் உணர்ச்சி வசப்பட்டபோதும் அறிவுக்கு இடங் கொடுக்கும் திறமையையும் பெருக்கிக் கொள்வோம்.
பொதுமக்களின் பொறுப்பினால்தான் நாடு முன்னேறும் என்றால், விளையாட்டுக்கு மட்டும் விதிவிலக்கா என்ன? விளையாட்டுக் கலை வளர்த்து, நடுவர்களின் நிலை உயர்த்தி, உலக நாடுகளுக்கிடையே ஒப்பற்ற நாடாக நம் பாரதத்தை உயர்த்துவோமாக!
