30
Sport எனும் சொல்லுக்கு, சிரித்து விளையாடு, நையாண்டி செய், பரிகாசம் பண்ணு, சரசமிடு என்று பல பொருள்கள் இருந்தாலும், மகிழ்ச்சி தருகின்ற விளையாட்டைக் குறிக்கின்ற சொல்லாகவே இன்று நம்மிடையே நிலவி வருகின்றது.
அதாவது வேலைப் பளு மிகுந்த உலகத்திலிருந்து கொஞ்சம் விலகிவந்து, மகிழ்ச்சியை ஊட்டும் மனோகரமான சூழ்நிலையை அளிக்கும் விளையாட்டைக் குறிக்கின்ற சொல்லாகவே Sport இன்று வழங்கப்படுகிறது.
'விளையாட்டு' என்ற பொருளிலேயே நாம் Game எனும் சொல்லைப் பயன்படுத்தி வருகிறோம்.
இந்த Game எனும் ஆங்கிலச் சொல்லானது 'வேடிக்கையால் களிக்கச் செய்தல் எனும் அர்த்தத்தில்தான் முதலில் ஆரம்பிக்கப்பட்டிருக்கிறது. ஆனால் இதன் ஆரம்பம் பழைய ஆங்கிலச் சொல்லான Gamen எனும் சொல்லுக்கு வேடிக்கை (Fun) என்பது பொருளாகும்.
ஆரம்பத்தில், வேடிக்கையான செயல்களும், வேடிக்கை பார்க்கச் செய்யும் நிகழ்ச்சிகளும் Gamen என்ற பெயரில் தான் அழைக்கப்பட்டிருக்கின்றன. அதனால்தான் ஆரம்பகால, உற்சாகம் ஊட்டும் தொழிலான வேட்டையாடுதலும் (Hunting) Game என்றே அழைக்கப்பட்டிருக்கிறது.
