இப்பக்கம் சரிபார்க்கப்பட்டது.
வெற்றி மேல்
வெற்றி!
1500 ஆண்டுகளுக்குப் பிறகு ‘புதிய ஒலிம்பிக் பந்தயம் பிறந்துவிட்டது. 1896 ஆம் ஆண்டு ஏதென்ஸ் நகரத்தில் முதல் பந்தய விழா நடைபெற இருக்கிறது. யார் வேண்டுமானலும் வந்து போட்டியில் கலந்து கொள்ளலாம். வெற்றி பெறலாம்’ என்ற அறிவிப்பு உலகெங்கும் பரவியது.
அமெரிக்க இளைஞன் ஒருவன். பெயர் ஜேம்ஸ் கன்னோலிண. ஆர்வம் உள்ள வீரன். ஆனால், அந்த அளவுக்குப் பணவசதி இல்லாதவன். கிரேக்கம் நோக்கிப் போக விரும்பினான். போனால் வெற்றிபெற முடியும். போகமுடியுமா?
பாஸ்டன் விளையாட்டுக் கழகம் என்று அமெரிக்காவில் ஒன்று இருந்தது. பணக்கார இளைஞர்களாக எட்டு பேர்களைத் தேர்ந்தெடுத்து, ஏதென்சுக்குப் போய் வருவதற்கு ஆகும் செலவை ஏற்றுக்கொண்டது. ஆனால் ஜேம்சுக்கு வாய்ப்பில்லை. அவனுக்கு அது முதல் ஏமாற்றம் இருந்தாலும், ஜேம்ஸ் ஆர்வத்தை இழக்கவில்லை.
