பக்கம்:1917 AD-மெய்யறம், வ உ சி.pdf/61

விக்கிமூலம் இலிருந்து
இப்பக்கம் சரிபார்க்கப்பட்டது.

அரசியல்.

௧0௧-ம் அதி.–இட னறிதல்.

நெடும்புனலுண் முதலையா லடுங்களிறு படுமே. ௧00௧
முதனிலத் தெறும்பான் முதலையும் படுமே. ௧00௨
கால்வ னெடுந்தேர் கடலோ டாதே. ௧00௩
நிலமிசை நாவாய் நின்றா டாதே. ௧00௪
முரண்சேர்ந் தவர்க்கு மரண்சேர்த னன்று. ௧00௫
மேலிருந் தமர்செயல் வெல்வோர்க்கு நன்று. ௧00௬
பெருமலை யரணுள பேடியும் வெல்லும். ௧00௭
சிறுபகை தன்னிடத் துறுபகை யழியும். ௧00௮
தெரியா விடத்துப் பெரியாரு மழிவர். ௧00௯
இடங்கண் டல்லது தொடங்கிடே லமரே. ௧0௧0

௧0௨-ம் அதி.–அமர் துணிதல்.

ஒருமா னிடவுயிர்க் குலகெலா மாற்றா. ௧0௧௧
பலமா னிடர்தாம் படுமமர் நன்றோ? ௧0௧௨
படுமா னிடரிற் பலருயி னன்றாம். ௧0௧௩
இவ்வொன் றலாலமர்க் கேதுபிறி தில்லை. ௧0௧௪
ஆன்றோ ரிதனையே யமர்க்கேது வென்ப. ௧0௧௫
அளிக்கப் படுவன வழிவன வெண்ணுக. ௧0௧௬
அளிக்கப் படுவன வதிகமேற் றுணிக. ௧0௧௭
பொருள்படை யமர்த்திறன் பொழுதிட னெண்ணுக. ௧0௧௮
அவைபகை யிற்றனக் கதிகமேற் றுணிக. ௧0௧௯
அன்றே லுலகெலா மழியினும் விடுக. ௧0௨0


53