விக்கிமூலம்:தென்கிழக்கு ஆசிய நாடுகளுக்கான நல்கைத் திட்டம் 6

இங்குள்ள செய்திகள், அவ்வப்போது இற்றைப்படுத்தப்படும் ...

திட்டகாலம்

தொடக்கம் : 1 செப்டம்பர் 2026
முடிவு : 30 ஏப்ரல் 2027
- மொத்த காலம் : 8 மாதங்கள் (242 நாட்கள்)
திட்ட இலக்கு : தேவநேயப் பாவாணரின் தமிழ்க் களஞ்சியம் (தொகுதிகள் 17, 18, 19, 20) ஆகிய 4 முக்கியமான அகராதி/வேர்ச்சொல் தொகுதிகளைத் தமிழ் விக்கிமூலத்தில் முழுமையாக மெய்ப்புப் பார்த்து, பக்க நிலைகளைச் சரிபார்த்து பூட்டுதல் (Index Validation). மேலும், இதன் மூலம் உருவாக்கப்படும் தரவுத்தொகுப்புகள் எதிர்காலத் தமிழ் செயற்கை நுண்ணறிவு (Tamil AI / LLM) மாதிரிகளுக்குத் திறந்தநிலைத் தரவுத் தளமாகப் பயன்படும் என்ற விழிப்புணர்வை உயர்கல்வி மாணவர்களிடம் ஏற்படுத்துதல்.

திட்டம் ஏற்றுக்கொள்ளப்பட்ட நாள் : 13 ஆகத்து 2026
திட்டப்பணம் கிடைத்த நாள் : 30 ஆகத்து 2026 (ரூ. 1,98,000 / TDS 1% பிடித்தம் போக)
திட்டப்போக்குகள் என்பதில், திட்டத்தின் நிகழ்வுகள் தொடர்ந்து பதிவுசெய்யப்படுகின்றன.

விண்ணப்ப விவரங்கள்

விண்ணப்பித்தவர் : முனைவர் சத்தியராஜ் தங்கச்சாமி
விண்ணப்பம் : Meta:Community Resources and Partnerships/India Rapid Project/Tamil Wikisource Enhancement and AI Integration
அங்கீகரிக்கப்பட்ட நிதி : ₹2,05,000 INR ($2,400 USD + ₹5,000 CA Fee)
நிறுவனக் கூட்டாளி : பலார்க் அறக்கட்டளை (Balarc Foundation)

பின்புலம் & நோக்கம்

நிதிநல்கை : South Asia Regional Grants / India Rapid Project
முக்கியப் சவால்கள் :

உயர்கல்வி விழிப்புணர்வு இன்மை : கல்லூரித் தமிழ்ப் பேராசிரியர்களும் மாணவர்களும் திறந்தவெளி எண்ணிமத் தளங்கள் குறித்த முறையான விழிப்புணர்வு இன்றி இருப்பது.
தகுதியான மெய்ப்புப் பார்ப்போரின் பற்றாக்குறை : பாவாணரின் அகராதித் தொகுதிகளை மெய்ப்புப் பார்க்க ஆழமான தமிழ் இலக்கணப் புலமை வாய்ந்த பங்களிப்பாளர்கள் தேவைப்படுவது.
முழுமையடையாத எண்ணிம ஆவணங்கள் : பாவாணர் களஞ்சியத்தின் 17, 18, 19, 20 தொகுதிகள் விக்கிமூலத்தில் அரைகுறையாக இருப்பது.

திட்டச் செயல்பாடுகள் (8 மாதக் காலக்கோடு)

நிலை 1: பேராசிரியர்களுக்கான முதன்மைப் பயிற்சி (செப்டம்பர் 2026)

கோவை, கோபிசெட்டிபாளையம், திருப்பூர் பகுதிகளைச் சேர்ந்த 20 கல்லூரித் தமிழ்ப் பேராசிரியர்களுக்கு இணையவழி, நேரிடை முகாம் வாயிலாக விக்கிமூல மெய்ப்புப் பயிற்சி அளித்தல்.
இவர்களிலிருந்து 5 முதன்மை வழிகாட்டிப் பேராசிரியர்களைத் (Master Mentors) தேர்வு செய்தல்.

நிலை 2: மாணவர்களுக்கான இணையவழிப் பயிற்சி (அக்டோபர் 2026)

5 வழிகாட்டி பேராசிரியர்கள் மூலம் அவரவர் கல்லூரி மாணவர்களுக்கு இணையவழிப் பயிற்சி அளித்து, புதிய விக்கிமீடியா பயனர் கணக்குகளை உருவாக்குதல்.

நிலை 3: நேரிடை முகாம் & ஊக்கப் பரிசு வழங்கல் (நவம்பர் - டிசம்பர் 2026)

5 கல்லூரிகளிலும் நேரிடை பயிலரங்குகளை நடத்தி, சிறந்து விளங்கிய மாணவர்களுக்கு ஊக்கப் பரிசுகளும் (Incentive Prizes), சான்றிதழ்களும் வழங்குதல்.
ஒவ்வொரு கல்லூரியிலிருந்தும் 1 தீவிர மாணவர் ஒருங்கிணைப்பாளரைத் தேர்வு செய்தல்.

நிலை 4: பாவாணர் களஞ்சியம் மெய்ப்பு இயக்கம் - பகுதி 1 (சனவரி 2027)

பாவாணர் தமிழ்க் களஞ்சியம் தொகுதி 17, தொகுதி 18 ஆகியவற்றை முழுமையாக மெய்ப்புப் பார்த்தல்.

நிலை 5: பாவாணர் களஞ்சியம் மெய்ப்பு இயக்கம் - பகுதி 2 (பிப்ரவரி 2027)

பாவாணர் தமிழ்க் களஞ்சியம் தொகுதி 19, தொகுதி 20 ஆகியவற்றை முழுமையாக மெய்ப்புப் பார்த்து உரைச் சீரமைப்பு செய்தல்.

நிலை 6: கல்விசார் மறுஆய்வு & பக்கங்களைச் சரிபார்த்தல் (மார்ச் 2027)

பேராசிரியர்களின் மேலாய்வுப் பார்வையில் (Peer-Review) அச்சுப் பிரதிகளோடு ஒப்பிட்டு, 4 தொகுதிகளின் பக்கங்களையும் 'சரிபார்க்கப்பட்டது' (Index Validated - Purple Status) நிலைக்கு உயர்த்திக் பூட்டுதல்.

நிலை 7: திட்ட நிறைவு & அறிக்கை சமர்ப்பித்தல் (ஏப்ரல் 2027)

பங்கேற்பாளர்களுக்குக் கணியம் அறக்கட்டளை வாயிலாகத் தொழில்பயிற்சிச் சான்றிதழ் (Internship Certificate) வழங்குதல், WMF-க்கு இறுதி நிதி/செயல்பாட்டு அறிக்கையைச் சமர்ப்பித்தல்.

திட்டக் குழுவினர்

முனைவர் சத்தியராசு தங்கச்சாமி - திட்டத் தலைவர் & நிதி நிர்வாகி (தன்னார்வலர்)
முனைவர் இரா. குணசீலன் - திட்ட இணை ஒருங்கிணைப்பாளர் (தன்னார்வலர்), பூசாகோ கலை மற்றும் அறிவியல் கல்லூரி, கோயமுத்தூர்
முனைவர் இரா. நித்யா - நிதி மேலாண்மையர் (தன்னார்வலர்), கௌரவ விரிவுரையாளர், அரசு கலை மற்றும் அறிவியல் கல்லூரி, அவினாசி

திட்ட இணை ஒருங்கிணைப்புக் குழுவினர்

முனைவர் இரா. நித்யா, கௌரவ விரிவுரையாளர், அரசு கலை மற்றும் அறிவியல் கல்லூரி, அவினாசி - நிதி மேலாண்மையர் (தன்னார்வலர்)
பேரா. இரா. அரிகரசுதன், கல்லூரி முதல்வர், கிளஸ்டர் மீடியா கல்லூரி, கோயமுத்தூர் & தலைவர், அனலி கலை இலக்கியப் பள்ளி, கோயமுத்தூர்
முனைவர் அ.இராஜலட்சுமி, கொங்குநாடு கலை அறிவியல் கல்லூரி (தன்னாட்சி), கோயம்புத்தூர் - 641 029
முனைவர் முனைவர் ச. சந்திரகலா, பிபிஜி கலை மற்றும் அறிவியல் கல்லூரி, கோயமுத்தூர்
முனைவர் க. பாலாஜி, பூசாகோ கலை மற்றும் அறிவியல் கல்லூரி, கோயமுத்தூர்
வீ. கலைவாணி, உதவிப்பேராசிரியர், வேளாளர் மகளிர் கல்லூரி, திண்டல், ஈரோடு

திட்டத்தில் இடம்பெறும் கல்லூரிகள்

ஶ்ரீ கிருஷ்ணா ஆதித்யா கலை மற்றும் அறிவியல் கல்லூரி, கோயமுத்தூர்

கூட்டாளர் அமைப்புகள்

- அனலி கலை இலக்கியப் பள்ளி, கோயமுத்தூர்
- 'இனம்' - பல்துறைப் பன்னாட்டு இணையத் தமிழாய்விதழ் (ISSN: 2455-0531), தமிழ்நாடு, இந்தியா
- கணியம் அறக்கட்டளை, கனடா

திட்டத்தின் இலக்குகள் (Metrics)

பங்கேற்பாளர்கள் : 30 நபர்கள் (20 பேராசிரியர்கள், 5 மாணவர் தலைவர்கள், 5 ஒருங்கிணைப்பாளர்கள்/ஆலோசகர்கள்)
மெய்ப்புப் பார்ப்போர் (Editors) : 10 நபர்கள் (5 புதிய மாணவர் தொகுப்பாளர்கள் + 5 வழிகாட்டி பேராசிரியர்கள்)
ஒருங்கிணைப்பாளர்கள் : 3 நபர்கள்
மேம்படுத்தப்படும் விக்கிமூல நூல்கள் : 4 தொகுதிகள் (தேவநேயப் பாவாணரின் தமிழ்க் களஞ்சியம் 17, 18, 19, 20)

ஆவணங்கள் & வெளியீடுகள்

இத்திட்டத்தில் இணைந்துள்ள கல்லூரிகளின் திட்டப் பக்கங்கள்