வினாக்களும் சுரதாவின் விடைகளும்

வினாக்களும் சுரதாவின் விடைகளும் (1991)
ஆசிரியர் உவமைக்கவிஞர் சுரதா

உடன் புறத்திட்டங்கள்: விக்கித்தரவு.

இந்நூல் தொடர்புடைய துணைப்பக்கங்கள் மொத்தம் 51 ஆகும்.

- - - - - இவ்வடிவில் பதிவிறக்குக

உலகளாவிய பொதுக் கள உரிமம் (CC0 1.0) இது சட்ட ஏற்புடைய உரிமத்தின் சுருக்கம் மட்டுமே. முழு உரையை https://creativecommons.org/publicdomain/zero/1.0/legalcode என்ற முகவரியில் காணலாம்.

பதிப்புரிமை அற்றது

இந்த ஆக்கத்துடன் தொடர்புடையவர்கள், உலகளளாவிய பொதுப் பயன்பாட்டுக்கு என பதிப்புரிமைச் சட்டத்துக்கு உட்பட்டு, தங்கள் அனைத்துப் பதிப்புரிமைகளையும் விடுவித்துள்ளனர்.

நீங்கள் இவ்வாக்கத்தைப் படியெடுக்கலாம்; மேம்படுத்தலாம்; பகிரலாம்; வேறு வடிவமாக மாற்றலாம்; வணிகப் பயன்களும் அடையலாம். இவற்றுக்கு நீங்கள் ஒப்புதல் ஏதும் கோரத் தேவையில்லை.

*** இது, உலகத் தமிழ் விக்கியூடகச் சமூகமும் ( https://ta.wikisource.org ), தமிழ் இணையக் கல்விக் கழகமும் ( http://tamilvu.org ) இணைந்த கூட்டுமுயற்சியில், பதிவேற்றிய நூல்களில் ஒன்று. இக்கூட்டு முயற்சியைப் பற்றி, https://ta.wikisource.org/s/4kx என்ற முகவரியில் விரிவாகக் காணலாம்.

Universal (CC0 1.0) Public Domain Dedication

This is a human readable summary of the legal code found at https://creativecommons.org/publicdomain/zero/1.0/legalcode

No Copyright

The person who associated a work with this deed has dedicated the work to the public domain by waiving all of his or her rights to the work worldwide under copyright law including all related and neighboring rights, to the extent allowed by law.

You can copy, modify, distribute and perform the work even for commercial purposes, all without asking permission. *** This book is uploaded as part of the collaboration between Global Tamil Wikimedia Community

( https://ta.wikisource.org ) and Tamil Virtual Academy ( http://tamilvu.org ). More details about this collaboration can be found at https://ta.wikisource.org/s/4kx.

வினாக்களும்
சுரதாவின் விடைகளும்

உவமைக் கவிஞர்
சுரதா

சுரதா பதிப்பகம்
56அ, இலட்சுமணசுவாமி சாலை,
கலைஞர் கருணாநிதி நகர்,
சென்னை–600078
தொலைபேசி எண் : 428508

முதற்பதிப்பு : ஆகஸ்டு, 1991
உரிமை : ஆசிரியருக்கு

பக்கம் : VIII+176 = 184

விலை: ரூ.23-00

அச்சிட்டோர்:

ஸ்ரீகோமதி அச்சகம்
41, சூரப்ப முதலி தெரு
திருவல்லிக்கேணி, சென்னை–600005
தொலைபேசி எண் : 844554

இது ஒரு மூக்கு நூல்
இலக்கிய மூச்சு நூல்

‘கற்றில னாயினும் கேட்க....’ என்னும் குறள்வரி வாயிலாக ஈராயிரம் ஆண்டுகளுக்கு முன்னரே வினா—விடை முறைக்கு வித்திட்ட உலகின் முன்னோடிப் பேரறிஞர் நம் திருவள்ளுவரே!

ஒருவரை வேலையில் அமர்த்த அவரது பொது அறிவை மதிப்பீடு செய்யும் வினா—விடை என்னும் ‘இன்டர்வியூ’ (INTERVIEW) முறையை ஆங்கிலேயர் அறிமுகப்படுத்தினர்.

அதனை ‘நேர்காணல்’ என்னும் தனித்தமிழ்ச் சொல்லால் முதன்முதல் குறிப்பிட்டவர் வடலூர் வள்ளலார் இராமலிங்க அடிகள். வடமொழியே சிறந்தது என்று வாதிட வந்த கோடகநல்லூர் சுந்தரசாமி என்பாரிடம் தமிழே சிறந்தது என்று ஏழு நாள்கள் வாதிட்டு வென்றவர் வள்ளலார். அந்த வாதங்களே நூல் வடிவம் பெற்றிருந்தால் தமிழ் மொழியின் தற்காப்புக்காக நடைபெறும் மொழிப்போருக்கு வலிமையான வாளும் கேடயமும் ஆகியிருக்கும்.

முதல் ‘நேர்காணல்’ என்பது–காசிப்பண்டாரத்துக்கும் கிறித்தவப் பாதிரியாருக்கும் 1857–ல் நடை பெற்ற உரையாடல் ஆகும்.

இந்த இருபதாம் நூற்றாண்டில் பகுத்தறிவுப் பகலவனாய் ஒளிர்ந்த பெரியார் ஈ. வெ. இராமசாமி அவர்களே மேடைப் பேச்சில் முதன் முதல் வினா—விடை முறையை அறிமுகப்படுத்தி மணிக்கணக்கில் மக்கள் மனத்திலே சிந்தனைச் சுடரைக் கொழுந்துவிடச் செய்தவர்.

பத்திரிகை உலகைப் பொறுத்தவரை வடஇந்தியரான பாபுராவ் பட்டேல் ‘பிலிம் இந்தியா’ என்னும் தமது இதழில் முதன் முதல் கேள்வி—பதில் பகுதியைத் தொடங்கி பண்டித நேரு போன்ற உலகத் தலைவர்களையே வியக்க வைத்தார். அவரது அடிச்சுவட்டில் முதன் முதல் தமிழ் ஏட்டுலகில் தனிச்செல்வாக்கை வளர்த்துக் கொண்டவர் ‘கல்கண்டு’ ஆசிரியர் தமிழ்வாணன். இன்று தமிழ்நாட்டின் எல்லா ஏடுகளுமே அரசியல் தலைவர்கள், திரைப்படக் கலைஞர்கள் ஆகியோரிடம் வினாக்கள் எழுப்பி விடைகளைப் பேட்டிகளாக வெளியிடுவதைப் பார்க்கிறோம்.

ஊறுகாய் இல்லாத மோர்ச் சோறு வாயின் உள்ளே இறங்காது என்பது போல, எந்த வகையிலாவது வினா—விடைப் பகுதி இல்லாத ஏடும் வாசகர்களின் வரவேற்பைப் பெறாது என்பதே நடைமுறை உண்மை.

நானே பல ஏடுகளுக்கு 150க்கும் மேற்பட்ட பேட்டிகள் தந்திருக்கின்றேன். என்னிடம் முதன்முதல் பேட்டி கண்டவர் புகழ் பூத்த தமிழ் நாவலாசிரியர் ஜெகசிற்பியன். 15–5–1952 ‘சிரஞ்சீவி’ மாத இதழில் அது வெளியாயிற்று. ஆனந்த விகடன், கல்கி, தினத்தந்தி, ராணி, குமுதம், குங்குமம், மாண்புமிகு அமைச்சர் எஸ். டி. சோமசுந்தரம் வெளியிட்ட ‘போர்வாள்’ முதலானவை என் பேட்டிகளை ஏந்தி வந்தவற்றுள் குறிப்பிடத் தக்கவை. மலேசியாவின் தமிழ்நேசன், தினமணி, வானம்பாடி, சிங்கப்பூரின் தமிழ்முரசு ஆகிய ஏடுகளும் கூட என் பேட்டிகளை வெளியிட்டுள்ளன.

தமிழ் நாட்டிலும் சரி, வெளிநாடுகளிலும் சரி, வானொலி, தொலைக்காட்சி ஆகியவற்றுக்கும் பேட்டிகள் கொடுத்திருக்கிறேன். சிறந்த எழுத்தாளர் தயாரிப்பாளர் எம்.எஸ். பெருமாள் முயற்சியால் 1988–ல் நான் அளித்த தமிழ்ப் பேட்டி ஆங்கில விளக்கவுரையுடன் இந்தியா முழுவதும் ஒளிபரப்பு ஆயிற்று. தமிழகக் கவிஞர்களில்— பாரதிதாசன் பரம்பரைக் கவிஞர்களில்—அத்தகைய ஒருமணிநேரப் பேட்டிக்கான வாய்ப்பு வழங்கப்பட்ட முதல் கவிஞன் இந்தச் சுரதாவே? அந்தப் பேட்டியில் முக்கியப் பங்கேற்றவர்; நான் பயின்ற தஞ்சை மாவட்டம் உரத்தநாடு உயர்நிலைப் பள்ளியில் படித்தவரும் பலதுறை இலக்கியப் படைப்பாளியுமான கவிஞர் அ. மறைமலையான். அப்போது உறுதுணை புரிந்தவர் வானொலி நாடக ஆசிரியர் பட்டுக்கோட்டை குமாரவேல்.

இதுகாறும் நான் கொடுத்த பேட்டிகளில் ஐம்பதை மட்டுமே தேர்ந்தெடுத்து ‘வினாக்களும் சுரதாவின் விடைகளும்’ எனும் இந்நூலில் இணைத்திருக்கிறேன். எஞ்சியுள்ள நூற்றுக்கும் மேற்பட்ட என் பேட்டிகளை அடுத்தடுத்து ‘சுரதா பதிப்பகம்’ நூல்களாக வெளியிடும்.

தன் வரலாற்றுக்கு ஒரு முன் வரலாறு இத்தகைய வினா–விடை நூல் என்பது என் கருத்து. ஒருவரது அறிவை அனுபவத்தை எடை போட்டுக் காட்டும் துலாக்கோல் ஆகவும் இது துலங்கும்.

முகத்திலே முந்திக்கொண்டு இருப்பது மூக்கு. அப்படித் தான் ஓர் அறிஞனின் அறிவு வரலாற்றுக்கு அடிப்படை அறிமுகம் அவனுடைய பேட்டிகள். அந்தப் பேட்டிகள் அடங்கிய நூலை, ஒரு மூக்கு நூல் —இலக்கிய மூச்சு நூல்—எனவும் கூறலாம்.

இப்படிப் பேட்டிகளையே நூலாக்கலாம் என்று முதன் முதலாக நான் சொன்ன கருத்தை நிறைவேற்றியவர் கவிஞர் நாரா. நாச்சியப்பன். அவரது நூலைப் பார்த்ததும் என் பேட்டிகளும் ஏன் நூலாக மலரக் கூடாது என்னும் வினாவினை என் மனைவி சுலோச்சனா தொடுத்தார். கவிமாமணி அ. மறைமலையான், சேலம் கவிஞர் எழுஞாயிறு, கவிமாமணி சாஸ்திரி வெங்கட்ராமன், அன்னையன்பன் போன்ற நண்பர்களும் அதே வினா எழுப்பினர். அவர்களுக்கு விடையாக வருவதே இந்நூல்.

இதே போன்று இதுவரை ஏறத்தாழ நூறு நூல்கள் வெளிவந்துள்ளன. அவற்றின் பட்டியலையும் இணைத்துள்ளேன்.

இந்தச் சுரதா எத்தகைய துணிச்சலான புதுமைக் கருத்துகளுக்குச் சொந்தக்காரன் என்பது இந்நூலில் வரும் என் விடைகளைப் படித்தாலே விளங்கும். நான் இறந்து கிடக்கும் நிலையில் நான் எழுதிய பாடல்களையே ஒலிபரப்ப வேண்டும் என்று சொல்லியிருக்கிறேன். என் முதல் நூலின் தலைப்பே ‘சாவின் முத்தம்’! இப்படிச் சாவைச் சந்திக்கும் துணிவுள்ள கவிஞனாக என்னைத் தவிர, ஒரு ஷேக்ஸ்பியரையோ, ஷெல்லியையோ, காளிதாசனையோ, கபீர்தாசையோ கூற முடியுமா? ‘மங்கலம்’ ‘அமங்கலம்’ என்றெல்லாம் பார்க்காத உண்மையான பகுத்தறிவுப் பாவலன் இந்தச் சுரதா!

எதிர்கால இளைஞர்கள் தங்கள் எண்ணக் கழனியில் எழுச்சிக் கருத்துப் பயிர்கள் செழிக்க இத்தகைய நூல்கள் இலக்கிய உரமாகும் என்பது உறுதி.

இந்நூல் அழகுற அச்சிட்டுத்தந்த ஸ்ரீகோமதி அச்சக உரிமையாளர் திரு. S. சரவணகுமார், செல்வன் மகேஷ்குமார், மெய்ப்புத் திருத்தி உதவிய கவிஞர் நெ.அ. பூபதி, ஓவியர் அமுதோன் ஆகியோர்க்கும் நன்றி.

56–அ, டாக்டர் இலட்சுமண சாமி சாலை
கலைஞர் கருணாநிதி நகர்
சென்னை–600078
தொலைபேசி எண் : 428508
1–8–1991.

அன்புள்ள,
சுரதா

தமிழ் வித்துவான் தாண்டவராயரின்
வினா விடை முதல்
தன்மானக் கவிஞர் சுரதாவின்
வினா விடை வரை
(1820—1991)

1820⁠	—	⁠இலக்கண வினா விடை ⁠—வித்துவான் தாண்டவராய முதலியார்
1828⁠	—	⁠இலக்கணச் சுருக்க வினா விடை ⁠—திருத்தணிகை விசாகப்பெருமாளையர்
1846⁠	—	⁠தமிழ் இலக்கண நூற் சுருக்க வினா விடை ⁠—ஜி.யு. போப்பையர்
1857⁠	—	⁠சத்திய சுவிசேஷ சபையைச் சேர்ந்த ஒரு கிறிஸ்தவருக்கும், சிவ சமயத்தைச் சேர்ந்த ஒரு காசிப் பண்டாரத்திற்கும் ⁠நடந்த சம்பாஷணைகள்
1865⁠	—	⁠இலக்கண வினா விடை ⁠—யாழ்ப்பாணத்து நல்லூர் ஆறுமுக நாவலர்
1865⁠	—	⁠பரிமத்தேசு தூஷணை மறுத்தலாகிய தர்க்கக் கும்மி ⁠—புதுவை அந்தோணி நாதர்
1866⁠	—	⁠பஞ்சபத மகாவாக்கியம் (வினா–விடை) ⁠—மொழிபெயர்ப்பு: சிதம்பரம் தௌட் சுவமிகள்
1868⁠	—	⁠யாப்பிலக்கண வினா விடைச் சுருக்கம் ⁠—சைதாபுரம் காசி விசுவநாத முதலியார்
1871⁠	—	⁠விவாக விதிவிளக்க வினா விடை ⁠—தரங்காபுரம் த. சண்முகக் கவிராயர்
1878⁠	—	⁠தனலட்சுமிக்கும் தைரிய லட்சுமிக்கும் தர்க்கம் ⁠—ராஜரத்தின முதலி
1879⁠	—	⁠சைவ சமய விளக்க வினா விடை ⁠—காஞ்சிபுரம் சபாபதி முதலியார்
1880⁠	—	⁠மகாலட்சுமிக்கும் பார்வதிக்கும் வாக்கு வாதம் ⁠—சீனிவாச ஐயங்கார்
1891⁠	—	⁠காங்கிரஸ் வினா விடை ⁠—சென்னை மு. வீரராகவாசாரியார்
1892⁠	—	⁠பதிப்பிலக்கண வினா விடை ⁠—முனுசாமி நாயுடு
1894⁠	—	⁠புருடார்த்த தீபிகை என்னும் பால சம்வாத வினா விடை ⁠—புதுவை ஏ. வே. இராமாநுஜ நாவலர்
1896⁠	—	⁠இலக்கணச் சுருக்கம் ⁠—மழவை மகாலிங்க ஐயர்
1897⁠	—	⁠சர்வ மத சித்தாந்த விளக்க வினா விடை ⁠—ஈ. ஆர். சச்சிதானந்த சுவாமிகள்
1900⁠	—	⁠வினா விடை மாலை ⁠—பாலகிருஷ்ண முதலியார்
1901⁠	—	⁠ஸ்ரீ தத்துவ போதம் (வினா விடை) ⁠—ஸ்ரீ சங்கர பகவற்பாதாசாரியர். ⁠மொழிபெயர்ப்பு: தஞ்சை மாநகரம் குப்புசாமி ராஜீ
1903⁠	—	⁠வேதாந்தத்தைக் குறித்த வியாசம் ⁠—ஸ்ரீமத் பாம்பன் குமர குருதாச சுவாமிகள்
1904⁠	—	⁠சோதிட சூத்திர விளக்க வினா விடை ⁠—செஞ்சி மாநகரம் ஏகாம்பர சோதிடர்
1907⁠	—	⁠மகாபாரத வினா விடை ⁠—கஸ்தூரி ரங்கையர்
1908⁠	—	⁠கணிகா ஞாநி ஸம்வாதம் (கவிதை நூல்) ⁠—நாகை சக்கரபாணி
1911⁠	—	⁠ராமாயண வினா விடைக் கும்மி ⁠—பை. அன்னம்மாள்
1913⁠	—	⁠ஜாதி வித்தியாசத் தடை விடை ⁠—தில்லை வாணன்
1918⁠	—	⁠வேலூர் தீர்ப்பு ⁠(புதுக்கோட்டை ப்ரம்ஹஸ்ரீ வெங்கட சுப்பா சாரியார், சித்தூர் ஜில்லா ஆற்காடு தாலுகா திமிரியில், பஞ்சாங்கம் ⁠கிருஷ்ணமாசாரியாரோடு செய்த வாக்கு வாதம்.)
1914⁠	—	⁠ஒழுக்க விளக்கம் வினா விடை ⁠—தாராபுரம் சி. வி. கிருஷ்ண ராஜு
1915⁠	—	⁠பெண்கள் நீதி விளக்க வினா விடை ⁠—எம். குப்புசாமி நாயகர்
1917⁠	—	⁠தேவ லோகக் கிரிமினல் கேஸ் ⁠—கோட்டாறு கா. ப. செய்கு தம்பிப் பாவலர்
1917⁠	—	⁠சச்சிதானந்த சிவம் ⁠—சுப்பிரமணிய சிவா ⁠(ஆசிரியர் மாணவர் உரையாடும் முறையில் இந்நூல் அமைக்கப்பட்டுள்ளது)
1919⁠	—	⁠பகவத் கீதை வினா விடை ⁠—நித்யாநந்த முதலி, எம். ஏ.,
1920⁠	—	⁠ராஜ ரீக சீர்திருத்த வினா விடை ⁠—ஏ ரங்கஸ்வாமி ஐயர்
1921⁠	—	⁠விவசாய வினா விடை ⁠—சென்னை சி. வி. ஆறுமுக முதலி
1921⁠	—	⁠சித்தர்கள் மகத்துவ வினா விடைக் கும்மி ⁠—கே.வி. வீரராகவலுதாஸ்
1921⁠	—	⁠சைவ சமய விளக்க வினா விடையும் ⁠ஆசௌச வினா விடையும் ⁠—சபாபதி முதலி அண்டு ஏராம்பய்யர், எஸ்.
1921⁠	—	⁠காப்பிக்கும் பழையதுக்கும் சண்டை ⁠தேத்தண்ணீர் மத்தியஸ்தம் ⁠—கும்பகோணம் இராமச்சந்திரன்
1922⁠	—	⁠கிராம முன்சீப் சிறப்புத் தேர்வு வினாவிடை ⁠—செல்லையா பிள்ளை
1922⁠	—	⁠புத்த மார்க்க வினா விடை ⁠—கே. அயோத்திதாஸ்
1923⁠	—	⁠பரமார்த்த போத வசன வினா விடை ⁠—கோ.வடிவேலு செட்டி
1924⁠	—	⁠சிற்றிலக்கண வினா விடை ⁠—சீகாழி எஸ். அருணாசல தேசிகர்
1925⁠	—	⁠பஞ்ச தசப்பிரகரணம் ⁠—ஸ்ரீ வித்தியாரண்ணிய சுவாமிகள்
1929⁠	—	⁠எரியாத கட்சி கேள்வி லாவணி ⁠—தஞ்சை வி.எஸ். பாப்புதாஸ்
1929⁠	—	⁠சீமைத்துணி கதர்த்துணி சண்டை ⁠ஜப்பான் துணி சமாதானம் ⁠—பழனி எம். எஸ். எஸ். வேலுசாமிக் கவிராயர்
1929⁠	—	⁠அதியுல்லாச சல்லாப லாவணி ⁠—நாகை வெளி காயாரோகணம் பிள்ளை
1931⁠	—	⁠ஆஸ்திக நாஸ்திக ஸம்வாதம் ⁠—டி. முத்துசாமி
1932⁠	—	⁠மதாராய்ச்சிக் குறிப்புகள் (கேள்விகள் — விடைகள்) ⁠—எம். கே. கேசவனுண்ணி நாயர் என்னும் ⁠ஸ்வாமி சிவானந்த சரஸ்வதி
1933⁠	—	⁠சிற்றிலக்கண வினா விடை ⁠—கா.நமச்சிவாய முதலியார்
1935⁠	—	⁠நாத்திக லாவணியும் சுயமரியாதைத் தாலாட்டும். ⁠—திண்டுக்கல் எம். ஆர். மத்திரன்
1936⁠	—	⁠ஜீவ காருண்ய போத வினாவிடை ⁠(நாயகி நாயக சம்பாஷணை) ⁠—சுவாமி அருணகிரி நாதர்
1945⁠	—	⁠சுவாமி விவேகானந்தர் சம்பாஷணைகள் ⁠—மொழி பெயர்ப்பு: சுவாமி விபுலானந்தர்
1948⁠	—	⁠சுந்தரமூர்த்தி நாயனார் கிரிமினல் கேஸ் ⁠—சித்தவைத்திய அ.சி. சுப்பையா (சிங்கப்பூர்)
1959⁠	—	⁠அது யாருக்குத் தெரியும்? ⁠—சாது மாணிக்க சீவகன்
1960⁠	—	⁠ஒயில் கும்மிப் பாட்டு ⁠—கும்பகோணம் கே. குருசாமிதாஸ்
1961⁠	—	⁠சுதந்திரத் தமிழ்நாடு (வினா—விடை) ⁠—சி. பா. ஆதித்தனார்
1966⁠	—	⁠தடைகளும் விடைகளும் ⁠—முரு.பழ. இரத்தினஞ் செட்டியார்
1967⁠	—	⁠எம்.ஜி.ஆர்—எம்.ஆர். ராதா ⁠வழக்கு விசாரணை ⁠—தொகுத்தவர் : ஏ.எஸ். மூர்த்தி
1967⁠	—	⁠கழகம் பிறந்தது ஏன்? ⁠(திராவிட முன்னேற்றக் கழகத்தைப் பற்றிய கேள்வி—பதில்) ⁠—மா. செங்குட்டுவன்
1973⁠	—	⁠அன்பு, அருணா தமிழ் நண்பன் ⁠—புலவர் மு. அன்பரசன், ⁠புலவர் அருணா பொன்னுசாமி
1978⁠	—	⁠தமிழ்வாணனின் தலைசிறந்த அரசியல் கேள்வி—பதில்கள் ⁠—தமிழ்வாணன்
1981⁠	—	⁠கேட்டலும் கிளத்தலும் ⁠—பாரதிதாசன்
1984⁠	—	⁠கேள்விகளால் ஒரு வேள்வி ⁠—வைரமுத்து
1984⁠	—	⁠பொது அறிவு வினாடி வினா ⁠—பட்டுக்கோட்டை பி.எல். ராஜேந்திரன்
1984⁠	—	⁠‘மனைவி’ ⁠ஜெமினி கணேசன் ⁠உஷாசுப்பிரமணியின் விமர்சனம் ⁠அடியார் பதில்கள்
1985⁠	—	⁠பெரியாரியம் ⁠(கொள்கை விளக்க வினா—விடை) ⁠—குடந்தை குகன்
1987⁠	—	⁠விடைகள் ஆயிரம் ⁠—கி.வா. ஜகந்நாதன்
1987⁠	—	⁠என்ன? ஏன்? எப்படி? ⁠—நாரா. நாச்சியப்பன்
1987⁠	—	⁠ஆயுத பேரத்தில் ஊழலா? ⁠ஜெத் மாலியின் கேள்விகளுக்குப் பதில்கள் ⁠—எம்.பி. நாராயணசாமி
1988⁠	—	⁠கேள்விகளும் கண்ணதாசன் பதில்களும் ⁠—கண்ண தாசன்
1990⁠	—	⁠திறந்த புத்தகம் ⁠—மு.மேத்தா
1990⁠	—	⁠ஐந்திலக்கண வினா விடை ⁠—புலவர் கபிலவாணன்
1990⁠	—	⁠கேட்டதும் கிடைத்ததும் ⁠—தசாவதானி இரா. கனக சுப்புரத்தினம்
1991⁠	—	⁠உங்கள் பாக்யராஜின் கேள்வி—பதில்கள் ⁠—கே. பாக்யராஜ்
1991⁠	—	⁠சாதி அடிப்படையில் இட ஒதுக்கீடு ⁠ஐயமும் தெளிவும் ⁠—திருச்சி வே. ஆனைமுத்து
1991⁠	—	⁠வினாக்களும் சுரதாவின் விடைகளும் ⁠—சுரதா

தொகுத்தவர் : உவமைக் கவிஞர் சுரதா

☐ ☐ ☐

என்னைப் பேட்டி கண்டவர்கள்

⁠	⁠	⁠
15–5–1952	சிரஞ்சீவி	ஜெகசிற்பியன்
10–3–1958	குமுதம்	அருண்
1–3–1967	உலகம்	எழில் முதல்வன், காஞ்சி அமிழ்தன்
19–9–1969	கடற்கரைப் பேட்டி	முருகுசுந்தரம், அப்துல் ரகுமான்
5–2–1970	குமுதம்	பால்யூ
11–4–1971	கல்கி	பி. வி. கிரி,
25–7–1971	ஆனந்த விகடன்	சுந்தரம்
ஜனவரி–1973	நான்கு பக்கம்	புலவர் உசேன்
15–4–1974	தமிழ் முரசு	சே.ப. குட்டியப்பன்
அக்டோபர்–1974	மனம்	த. பழமலை, எம்.ஏ.,
19–3–1978	குங்குமம்	பாவை
4–5–1978	தென்னகம்	மு.கோ. வசந்தன்
13–5–1978	மாலைமுரசு	கருணைதாசன்
ஜூலை–1979	புதிய சமுதாயம்	பாதாசன்
1–6–1979	தமிழ் நேசன்	பழ.எ. அன்பழகன்
3–6–1979	தமிழ் மலர்	பழ. எ. அன்பழகன்
21–7–1979	வானம்பாடி	க. இளங்கோவன் (சிங்கை)
21–10–1979	குங்குமம்	கிரிஜா
7–3–1982	தாய்	பரபநாசம் குறள்பித்தன்
1–7–1983	சேலம்மாலைமுரசு	மாலை முரசு நிருபர்
10–7–1983	தாய்	பாபநாசம் குறள்பித்தன்
27–7–1983	தேவி	பாகுபி
12–8–1988	மூக்குத்தி	பாரதி சுகுமாரன்
21–8–1988	தாய்	பாபநாசம் குறள்பித்தன்
செப்டம்பர் 1983	வண்ணமயில்	பாரதிசுகுமாரன்
மார்ச்சு–1985	வரலாற்றின் குரல்	தீ. வீரபாண்டியன்
21–8–1985	தேவி	எஸ்.விஜயன்,ஞானபாரதி
ஏப்ரல்–27
மே–3–1986	இதயம் பேசுகிறது	ம. முருகன்
அக்டோபர் 1986	பேசும் படம்	எஸ். விஜயன்
23–11–1986	தாய்	பு.வி. உமா சந்திரன்
1–2–1987	சினிமா எக்ஸ்பிரஸ்	திரைஞானி
14–6–1987	ஆனந்த விகடன்	கே. அசோகன்
17–6–1987	ஜூனியர் விகடன்	கே. அசோகன்
6–12–1987	தினமணி (மலேசியா)	பழ. எ. அன்பழகன்
6–12–1987	தமிழ்ஓசை (மலேசியா)	அக்கினி
1–4–1989	சுபமங்களா	நிர்மலா சுரேஷ்
20–7–1989	குமுதம்	துரை. ராமசந்திரன்
15–10–1989	நாரதர்	நாரதர் நிருபர்
19–10–1989	குமுதம்	ராம் சந்த்
10–11–1989	குங்குமம்	சி.கண்ணன்
23–11–1989	குமுதம்	துரை. ராமச்சந்திரன்
31–12–1989	தாய்	பாபநாசம் குறள்பித்தன்
4–2–1990	நம்வாழ்வு	எம். டேவிட் மைக்கேல்
15–8–1990	சுபமங்களா	நாகராஜகுமார்
ஏப்ரல்–1990	திரைச்சிற்பி ரஜினி	இ. சபீதா ஜோசப்
13–5–1990	ஆனந்த விகடன்	எஸ். ராமன்
16–12–1990	ராணி	ராணி நிருபர்
16–12–1990	தமிழரசு	பி.வி.கிரி
28–4–1991	தாய்	அர குணசீலன்
27–5–1991	மங்களம்	அனலேந்தி

☐ ☐ ☐

உள்ளடக்கம்